Telexornal Galicia 2 - 09/06/15

O excopresidente da Novacaixagalicia, Fernández Gayoso compareceu hoxe, coma acusado, no xuízo na Audiencia Nacional polas indemnizacións de máis de 18 millóns de euros, percibidas por cinco altos directivos da caixa fusionada, cando xa recibira axudas públicas // A Xunta, o Goberno Central e a DXT levarán a cabo unha campaña para previr os accidentes con tractores, dos que, en Galicia se producen 15 de cada cen dos que se rexistran en España. No que vai de ano causaron a morte de 9 tractoristas, a maioría, xubilados. A campaña incluirá reparto de información e presenza das itv nas zonas mais afectadas // Silencio é a última película do director manchego Pedro Almodóvar que estes días está a rodar en Galicia. Na costa coruñesa, Redes, Ares e Mugardos serán algunhas das localizacións do filme que di o aclamado cineasta que o namoraron pola súa intensidade dramática. 09/06/15