Telexornal Galicia 2 - 10/06/15

Un veciño da Coruña tiña un dos maiores arsenais de armas e municións detectados en España. Tiña 110 armas de fogo e mais de 130 mil cartuchos metálicos de distinto calibre. A Garda civil incautouse do material nunha vivenda do detido na Coruña e noutra tamén del en Lugo // O ex director xeral de novacaixagalicia, José Luís Pego que cobrou ao abandonar a entidade 7,7 millóns de euros de indemnización dixo hoxe que podía ter obtido mellores condicións se tivese saído antes da entidade. Declarouno no xuízo na Audiencia Nacional contra el e outros catro membros da cúpula directiva das antigas caixas galegas, acusados de apropiación indebida e administración desleal ou estafa // Comezaron as probas de acceso á Universidade para máis de dez mil alumnos galegos. Primeiro dos tres días da selectividade que principiou con comentario de texto. En nove días terán as notas e saberán se poden estudar a carreira desexada. 10/06/15