Telexornal Galicia 2 11-03-2024

Comeza en Pontevedra o xuízo polo asasinato de Jéssica Méndez en Barro. A Fiscalía pide 24 años de cárcere por asasinato con agravante de xénero. Segundo a acusación, en 2022, JoséEiriz arremeteu co seu coche contra o vehículo no que estaba a vítima | Renfe pon hoxe á venda billetes para viaxar a Madrid por 25 euros. Unha compensación aos usuarios galegos polo atraso na chegada dos novos trens Avril | A metade dos falecidos o ano pasado en accidentes de tráfico en Galicia non levaban posto o cinto de seguridade. 26 mortes que quizais se puideron evitar usándoo. A Dirección Xeral de Tráfico desenvolve esta semana unha campaña de especial vixilancia e control do cinto de seguridade e dos sistemas de retención infantís | Sen polbeiras, non hai feiras. Unha plataforma dixital pon en marcha unha campaña para reivindicar o traballo das profesionais do polbo. Queren fotografar todas as polbeiras que aínda van ás feiras en Galicia, que cada vez son menos, pola falta de xente nova que siga co oficio. 11-03-2024