Telexornal-Galicia 2 - 13/01/15

A costa norte de Galicia está en alerta por ondas que poden acadar os cinco metros de altura. Chegou xa o primeiro temporal do inverno despois de tres semanas de tempo inusualmente seco e solleiro. O vento e a chuvia foron os protagonistas da mañá con precipitacións xeralizadas en case toda Galicia que se fixeron notar máis na fachada atlántica // A Conselleira de Sanidade di que os atascos que se viviron nos servizos de urxencias dos hospitais, nos últimos días, se deberon a que o momento de máxima incidencia do andazo de gripe se adiantou respecto ao previsto e que colleu ás autoridades sanitarias desprevidas. Os socialistas atribúenlle o colapso nas urxencias aos recortes na sanidade // Unha nena transexual de Lugo é a primeira en Galicia en emprender o chamado tránsito social, que consiste en mostrar tal como sinte a súa identidade feminina. Os seus pais agardan que o rexistro civil sexa sensible a súa situación para que Sara deixe de chamarse Hugo e figure como nena no seu DNI. 13/01/15