Telexornal-Galicia 2 - 14/05/14

As praias galegas son, un ano máis, as que lucirán máis bandeiras azuis en España, 123. Un distintivo que premia a limpeza e calidade das augas e os areais, e tamén os equipamentos para facilitar a presenza de bañistas. Sanxenxo é o municipio que contará con máis distintivos en toda España // Protestas en varios hospitais polo peche previsto de máis de mil camas asistenciais durante o verán. Os sindicatos aseguran que é a maior reducción nunha década e que obrigará a mesturar doentes de diversas especialidades. A Xunta di que é habitual reorganizar o servizo en época de vacacións e que 86 de cada cen camas seguirán operativas // Segundo caso de dimisión dunha concelleira socialista por comentarios nas redes sociais, despois do asasinato da Presidenta da Deputación de León. Deixou o seu cargo a número tres da lista do PSdeg-PSOE no concello pontevedrés de Meis a petición do seu partido que considera os comentarios que fixo inapropiadas e desafortunadas. 14/05/14