Telexornal Galicia 2 - 15/06/15

A praia das catedrais xa ten en marcha o seu plan de protección. Limita o número de visitantes que poderán acceder a este areal da Mariña. Entre o 30 do mes de xuño e o 30 de setembro serán un total de 4800 persoas as que poidan achegarse ata alí. As prazas xa se poden solicitar por internet // Botan a andar os novos gobernos municipais, logo dos plenos de investidura dos alcaldes, celebrados o sábado. En toda Galicia repetiuse a imaxe dos  rexedores chegando aos seus despachos // O Club Ourense Baloncesto conseguiu esta mañá o compromiso do Concello para avalar parte do crédito que lle prometeu Abanca para que poida competir na liga ACB. Era o requisito que lle esixía a entidade financeira ao club para poder competir na máxima categoría. logo de que a Deputación certificara o seu apoio hai dúas semanas. 15/06/15