Telexornal Galicia 2 - 15/07/16

Galicia é tamén hoxe escenario da dor que sacode a toda Europa, e ao mundo enteiro, por mor dunha nova masacre terrorista en Francia. As institucións, e a poboación en xeral, secundaron concentracións, en silencio, para amosar a repulsa pola cruel acción perpetrada en Niza.
O socialista José Luis Méndez Romeu abandona a política activa, coincidindo co final da lexislatura. O que ata hai pouco fora portavoz parlamentario do PSdeG asegura que se retira porque non ten, di, vocación de guerrilleiro.
A Policía a cabalo, sumase á vixilancia dos nosos montes contra o lume. Unha ducia de xinetes van patrullar durante os 2 próximos meses, os montes galegos, nun labor, principalmente, de prevención. (15/07/16)