Telexornal Galicia 2 15-11-2024

Dúas persoas falecidas e tres feridas. Son as consecuencias dun accidente de tráfico múltiple rexistrado esta madrugada no concello coruñés de Vedra. Os falecidos eran os condutores dos dous vehículos que chocaron de fronte | Última sesión do xuízo polo crime de Samuel Luiz. Os avogados defensores afirman que non se presentaron probas para atribuírlles o delito de asasinato | Conta atrás para o acendido das luces de Nadal en Vigo. Queda un día, e nas rúas apúranse os traballos de montaxe nos que participan centos de traballadores. Os hoteis prevén unha alta ocupación | Os instrumentos milenarios do músico lucense Abraham Cupeiro soarán na area do Coliseo de Roma. Hoxe chega aos cinemas Gladiator 2, e Cupeiro participa na banda sonora da superprodución de Ridley Scott