Telexornal-Galicia 2 - 17/02/14

O Presidente dunha das asociacións de vítimas do accidente do tren alvia en Angrois visitou hoxe ao xuiz que leva o caso para pedir que se faga xustiza. Calificou de "ventá de esperanza" o auto recente do maxistrado que acusa ao administrador ferroviario de arriscar as vidas dos viaxeiros polo sistema de control que usaba // Os axentes de vixilancia aduaneira voltaron hoxe ao Concello de Lugo para facérense con información relativa a operación Pokemon. Vendex, a empresa acusada de encabezar a presunta trama de corrupción municipal, desmentiu hoxe, nun comunicado, ter entregado cantidades ou prometido favores a cambio da concesiòn de servizos nos concellos investigados // As abondosas chuvias deste inverno provocaron a morte de case o setenta por cento da ameixa e a totalidade do berberecho na ría de Pontevedra. A mortandade dos bivalvos polo aporte de auga doce ás rías é habitual no inverno, pero este ano as mariscadoras quéixanse de que é moi superior porque choveu máis. 17/02/14