Telexornal Galicia 2 - 19/05/15

A Coruña é unha das 21 cidades de toda España que van estrear, de xeito experimental nas eleccións municipais do domingo, un sistema que axiliza o procedemento do voto e, sobre todo, o seu reconto. Transmite automaticamente os resultados, que, ata agora, eran enviados aos centros de seguimento por teléfono ou por mensaxes de móbil // As temperaturas baixaron e moito. Ata dez graos caeron nalgúns puntos nos últimos dous días. Serán máis frescas polo norte onde andarán de máximas de dezaseis graos en cidades coma A Coruña, Santiago ou Lugo e algo máis altas por riba dos 20 no Sur // Alarma social en Arteixo na Coruña polo último caso coñecido de meninxite. Piden que a Axencia Española do Medicamento, autorice a venda da vacina contra esta enfermidade en farmacias. Mentres, segue en estado moi grave unha muller de 51 anos ,que ingresou o pasado venres no complexo hospitalario a Coruña a causa desta doenza. 19/05/15