Telexornal-Galicia 2 - 19/06/14

Galicia estivo presente nos actos de proclamación de Felipe Sexto coma novo monarca. O Presidente da Xunta, Alberto Núñez Feijóo asistiu, no Congreso dos deputados, ao discurso de Don Felipe, ao carón dos dirixentes das outras comunidades históricas: Cataluña e o Pais Vasco e participou tamén na recepción posterior // Lixeira melloría na situación das rúas de Lugo, despois de que os equipos de limpeza retiraran lixo das zonas consideradas en risco sanitario. A folga dura xa dez días e intensifícanse os intentos de que empresa concesionaria e representantes dos traballadores retomen a negociación // A localidade pontevedresa de Redondela vive hoxe a tradicional celebración da festa da Coca, coas rúas cubertas de alfombras de flores, e a tradicional danza das espadas e as penlas que representa a loita contra un mítico dragón ao que vencen os mariñeiros. 19/06/14