Telexornal-Galicia 2 - 19/09/14

O alcalde de Ourense, o socialista Agustín Fernández renuncia a presentarse ás primarias do seu partido para ser o candidato nas vindeiras eleccións municipais. E en Lugo o tamén socialista Xosé López Orozco desvelou  que optará á reelección como alcalde da cidade que goberna dende hai dezaseis anos.

  A marea vermella intensifícase de novo,o que obriga a pechar a maioría dos polígonos mexilloeiros. Só catro dos 51 que hai en toda Galicia están abertos.  Son os máis perxudicados polo rebrote da microalga tóxica que afecta tamén aos bancos marisqueiros, con especial incidencia na ría de Pontevedra.

  Riazor agarda un dos primeiros cheos da tempada no partido de mañá fronte o Real Madrid . Estímase que uns 30 mil afeccionados poderían abarrotar as bancadas  do estadio coruñés. Mentres, o Celta terá tamén un difícil rival:  Enfróntase no Vicente Calderón ao Atlético de Madrid, o actual campión da Liga. (19/09/14)