Telexornal-Galicia 2 - 22/08/14

O número de visitantes aumentou en Galicia un 7,12 %, no pasado mes de xullo, respecto ao mesmo periodo do ano pasado. En total chegaron aquí 459.000 turistas, a maioría procendetes doutras zonas de España pero tamén case 120 mil, extranxeiros // O Goberno alemán recoñeceu hoxe que o reparto de cargos na Unión Europea será un dos temas que trate a Chanceler Angela Merkel, en Santiago co Presidente do Goberno Mariano Rajoy. Os dous percorrerán o domingo un treito do Camiño de Santiago e manterán unha xuntanza de traballo o luns, antes de visitar a Catedral compostelá // O Dépor viaxará mañá a Granada para o seu debut ligueiro na súa volta a Primeira División. No Celta o dianteiro Nolito renovou contrato para cinco tempadas. En Balaídos recibirán o domingo o Getafe. E en Segunda o Lugo viaxará a Miranda de Ebro no arranque ligueiro en Segunda. 22/08/14