Telexornal Galicia 2 24-10-2024

Os dous condenados por participar na morte de Samuel Luiz cando eran menores din non lembrar nada do ocorrido aquela noite.No xuízo contra os cinco acusados Adultos, Novas testemuñas confirman que escoitaron insultos homófobos durante a agresión|Baixa o consumo de peixe, sobre todo entre os máis novos, e aumenta o consumo de productos conxelados fronteaos frescos. Así o indica un estudo encargado polas industrias do sector, que indica que, con todo, os produtos do mar seguen a estar presentes habitualmente no 70 por cento dos fogares galegos| Nasas para a pesca de camarón nas bateas de mexillón. É unha fórmula do sector para diversificar a actividade, ante a escaseza de marisco na ría de Arousa. Corenta embarcacións participan no plan experimental regulado pola Xunta por segundo ano, para un mellor aproveitamento dun recurso que conta con elevados prezos na lonxa| A maior exposición internacional sobre tatuaxe chega a Galicia, tras ser visitada por máis de dousmillóns de persoas en seis países. Máis de 240 pezas históricas e contemporáneas sobre unha práctica presente en todas as épocas e culturas do mundo. 24-10-2024