Telexornal-Galicia 2 - 24/04/14

O tribunal Supremo confirma a consideración de Resistencia Galega coma organización terrorista e considera que está nunha fase que califica de "incipiente". Resolución que se coñece logo de que catro dos membros deste grupo recorreran ante o Alto Tribunal a sentenza da Audiencia Nacional que os condenaba a penas de cárcere. Condenas que agora o Supremo rebaixa entre tres e cinco anos // Desartellada en Pontevedra e outras catro provincias españolas unha organización internacional adicada ao cobrar débedas de empresarios mediante coaccións, ameazas e outros métodos moi violentos // Os mariñeiros que sobreviviron ao naufraxio do pesqueiro Mar de Marín, ocorrido na Ría de Vigo, bótanlle a culpa da manobra que os levou a chocar co mercante Baltic Breeze, a un foco de iluminación mal colocado no cargueiro. 24/04/14