Telexornal Galicia 2 26-01-2024

O PP obtería entre 36 e 38 escanos segundo o CIS, ao borde da maioría absoluta, o BNG sería a segunda forza, con entre 20 e 23, e o Psoe quedaría en terceira posición, con entre 15 e 17. | Polémica iniciativa das comunidades gobernadas polo PP de unificar a proba da Abau. Alfonso Rueda amosou xa o seu apoio mentres os grupos da oposición consideran que vai en contra da autonomía do sistema educativo | Arranca en Santiago un simposio de expertos en biopsia líquida, a técnica que permitirá, nun futuro próximo, detectar precozmente ata vinte tipos de tumores diferentes | A desestacionalización e a proxección internacional, principais retos para o sector turístico de Galicia, que amosa o seu potencial na Feira Fitur, en Madrid. Este gran foro mundial é oportunidade para consolidar marcas e establecer novas oportunidades de negocio