Telexornal-Galicia 2 - 26/08/14

Veciños, amigos e familiares de Mónica Lorenzo, a muller asasinada polo seu marido, que, logo se suicidou, na localidade pontevedresa de Barro, concentráronse hoxe no propio Barro e en Marín para expresar a súa dor. O crime produciuse despois de que a muller iniciase os trámites para a separación, segundo fontes próximas á parella // Prestaron declaración ante o xuíz os dous homes detidos en relación co intento de rapto dunha menor en Pontecesures. Están acusados de agresión sexual e detención ilegal en grao de tentativa. Os feitos aconteceron o pasado domingo cando a pequena de 10 anos paseaba por unha rúa de Pontecesures e foi abordada polos dous individuos, veciños da zona // O piloto dunha avioneta das que participan na loita contra os incendios saíu ileso, logo de ter que facer unha aterraxe de emerxencia, nun prado de Outeiro de Rei en Lugo. Participaba na extinciòn dun lume no municipio de Lugo, cando sofriu unha avaría mecánica. 26/08/14