Telexornal-Galicia 2 - 27/02/14

Galicia recibirá quince millóns de euros do goberno central para reparar os estragos causados polos temporais deste inverno. Deles, sete millóns irán para actuacións de urxencia na costa coma as que se están a acometer na praia de Cesantes en Redondela, e que contan cun orzamento de 45 mil euros // O Consello da Xunta decidiu ampliar a atención por teléfono a todos os profesionais de atención primaria. Ademais de cos médicos poderase solicitar esta modalidade con enfermeiras, matronas e traballadores sociais // O Presidente da Xunta considera que non vai ter repercusións na recadación da Comunidade Galega a sentenza do Tribunal de xustiza da Unión Europea que considera ilegal o céntimo sanitario que estivo implantado en trece comunidades autónomas ata xaneiro de 2013, entre elas Galicia. 27/02/14