Telexornal-Galicia 2 - 28/05/14

A xunta vai destinar cartos para ampliar o servizo de axuda no fogar a outras 500 persoas dependentes. O consello tamén aprobou un plan para que 600 beneficiarios da Renda de integración social (Risga) consigan un traballo. A mesma reunión deulle o visto e prace ao plan antiincendios deste verán, que pretende reducir o numero de lumes e de danos, e aumentar a investigación das causas // Rematou a comparecencia ante o xuíz dos once exdirectivos do ADIF que xestionaban ao administrador ferroviario no momento no que entrou en servizo a vía de Santiago na que, o pasado verán descarrilou o Alvia // En Narón continúan as investigacións para dar co dono da serpe que mordeu a unha veciña cando estaba no baño da súa casa. Hoxe mesmo a policía local pediu máis documentación a unha tenda de mascotas da vila para poder dar co dono da serpe. 28/05/14