Telexornal-Galicia 2 - 28/02/14

Os transportistas galegos estudan como recuperar o céntimo sanitario, que veñen reclamando xudicialmente desde 2008. As empresas de transporte poderían ser as grandes beneficiadas pola sentenza da Unión Europea que declara ilegal este imposto aínda que para reclamar o reintegro ante Facenda hai que presentar as facturas do gasóleo // Inaugurada a primeira fase do Porto Seco de Monforte. 10 mil metros cadrados preparados para o intercambio de mercadurías en contedores do tren ao transporte por estrada. Ademais, as instalacións inauguradas hoxe inclúen máis de 140 mil metros cadrados de chan industrial nos que as empresas se poderán instalar a partir de agora // Continúan en Sanxenxo as obras para ampliar os pantaláns do clube náutico. Hoxe cun forte dispositivo de seguridade autorizado polo xulgado e de novo con protestas dos veciños que levan case un ano opoñéndose ao proxecto do que din que destruirá parte do areal da Panadeira. 28/02/14