Telexornal Galicia 2 - 01/06/15

A Garda Civil de Tráfico levará a cabo, ata o domingo que vén, unha campaña especial de control do consumo de alcohol e drogas entre os conductores. Unha campaña, din as autoridades de tráfico, máis necesaria aquí que na media de España xa que, case unha terceira parte das vítimas mortais nas estradas perecen en accidentes que teñen algunha relación con estes consumos prohibidos // Segue a busca do peregrino alemán que desapareceu en Fisterra o pasado venres, logo de que completara o camiño de Santiago. O mozo, de 19 anos, desapareceu na praia de Langosteira, onde o viran bañándose. Ali apareceu a roupa pero ningún rastro del // Segue a investigación xudicial sobre a morte de Francisco Javier Romero Taboada na liorta en Madrid entre os Riazor Blues e o Frente Atlético. Ante as dúbidas sobre a identificación dos presuntos autores, hoxe declararon como testemuñas varios dos sanitarios que intentaron salvar a vida de Jimmy. 01/06/15