Telexornal Galicia 2 30-05-2024

Miles de festivaleiros, congregados no Monte do Gozo, para o arranque do Son do Camiño, nunha primeira xornada na que pasarán polos escenarios bandas de estilos ben diferentes como como J Balbin, Arde Bogotá ou Green Day | Arranca en Silleda unha nova edición da Semana Verde, con récord de participantes, para amosar as últimas novidades da industria agroalimentaria e gandeira, e actividades paralelas como unha degustación de paté de porco celta ou un curro con cabalos de Pura Raza Galega | O Sergas e os colexios médicos chegan a un acordo sobre o sistema Xide de xestión das citas nos centros de saúde. O acordo contempla que o programa seguirá aplicándose, coa incorporación da figura dun Xefe de servizo de atención primaria |día do Corpus, festa en moitas localidades entre as que destaca Redondela, onde sae á rúa a Coca, o monstro co que loitan os mariñeiros. Unha celebración de orixe descoñecida, mistura a tradición relixiosa con elementos pagáns, e remata co célebre baile das espadas e das Penlas