Telexornal-Galicia 2 - 30/11/12

Peche de oficinas bancarias, debido á reestruturación de Novagalicia Banco obrigada polo rescate da Unión Europea. Coa súa desaparición, quedan sen servizos bancarios moitos concellos, sobre todo no interior de Ourense e Lugo. // Fin de semana de feira para a cultura galega. Toda a oferta está desde hoxe en Pontevedra, en Culturgal, un encontro de referencia para o sector. A pesar de que os recortes rebaixan cada ano o seu orzamento, a feira ten organizadas nesta edición máis de 200 actividades gratuítas para nenos e adultos. // O son da arpa céltica dun músico que leva trinta anos recuperando e renovando a música popular galega. Rodrigo Romaní presenta novo disco, "As arpas de Breogán". É o seu terceiro traballo en solitario, folk contemporáneo en homenaxe a un instrumento con moita historia. 30/11/12