Telexornal Galicia - 20/01/16

A Portavoz de En Marea Alexandra Fernández foi recibida este mediodía polo Rei Don Felipe. É a séptima representante das listas que obtiveron representacións, nas pasadas eleccións, que é consultada polo Xefe do Estado ao que lle amosou a disposición do grupo galego a participar nun executivo presidido polo lider do PSOE, Pedro Sánchez // O Presidente da Xunta confirmou en Ferrol que o contrato para a construcción de 5 corbetas para Arabia Saudí nos estaleiros de Navantia está só pendente da súa firma. Díxoo durante a visita aos traballos para a fabricación das estructuras para o primeiro parque eólico flotante do mundo que se constrúen no estaleiro ferrolán // Galicia está presente cunha variada oferta na feira do turismo Fitur, inaugurada hoxe en Madrid, pola Raíña Dona Letizia. A gastronomía, os espazos naturais, os cascos históricos e cidades e os ambientes mariñeiros nun stand no que tamén se destacan as ferramentas de acceso á información ligadas ás novas tecnoloxías. 20/01/16