Telexornal Galicia - 20/04/20

Máis de 1.300 profesionais da área sanitaria de Ourense sometéronse xa á proba rápida para saber se teñen o coronavirus. Tamén no resto de áreas sanitarias están a facer o test aos traballadores que empregaron as máscaras defectuosas enviadas a Galicia polo ministerio de Sanidade // No colexio público de Baralla, en Lugo, empregan walkie talkies para continuar co curso. Evitan así os problemas de cobertura telefónica da zona e manteñen o contacto a través das ondas // A crise sanitaria obriga a centos de parellas a aprazar a súa voda. En Galicia celebráronse na primavera do ano pasado case tres mil casamentos. Tamén están no aire as planificadas para o verán. (20/04/2020)