Telexornal-Galicia - 20/11/12

Xuízo do Prestige: O capitán Apostolos Mangouras quéixase do trato recibido e acusa ás autoridades españolas de espallar a contaminación.

O Concello de Vigo decidiu, nun pleno extraordinario, pechar as contas municipais nos bancos que continúen coas execución hipotecarias. Tamén acordou que a policía local non participe nos desafiuzamentos.

O empresario Roberto Tojeiro abandona o seu posto de vocal no consello de Administración de Novacaixagalicia Banco. A decisión reflexa o malestar dos accionistas particulares que investiron ata 70 millóns de euros para apoiar a entidade resultado da fusión das caixas galegas.

Dereito á vida, a igualdade, á familia e á protección. Son os principios básicos que hoxe recordan nenos e adultos nas celebracións do Día Internacional da Infancia.

Premian a unha sociedade apícola do concello pontevedrés de Covelo por coidar a biodiversidade na Serra do Suído.

Sabores de outono: 54 bares de Ourense compiten polos mellores pratos con castañas e cogomelos. (20/11/12)