Telexornal-Galicia - 22/03/12

Hoxe é o Día da Auga e en Galicia celébrase con preocupación pola seca. A falta de chuvia mantén os encoros galegos a menos do 50 por cento da súa da capacidade. // O Goberno galego aproba os servizos mínimos para a folga do día 29, que serán os mesmos que os da última mobilización xeral, a do 2010. Tamén decidiu poñerlle un tope aos salarios dos directivos de entes públicos. // En Ferrol comezou o xuízo contra oito mariscadores acusados de bloquear a entrada a ría dun gaseiro en 2007. Era o primeiro buque que atracaba en Reganosa en Mugardos e tardou dous días en podelo facer. // Protestas dos traballadores do Sergas e outros empregados públicos contra a lei que modifica as súas condicións laborais, e contra os recortes da Xunta en servizos como os sanitarios. // Vigo reforza os servizos de inspección urbanística cunha policía especializada en detectar obras ilegais. 22/03/12