Telexornal-Galicia - 22/04/14

A Xunta asegura que ningún estudante terá que abandonar a universidade por motivos económicos. Pediulles ás universidades información detallada para avaliar caso por caso logo das informacións sobre posibles baixas nas carreiras ao non poderen pagar os alumnos o importe das matrículas // Comeza  a investigación polo afundimento, na costa de Asturias, do pesqueiro Mar Nosso, que causou a morte de 5 mariñeiros, dos que dous ainda seguen desaparecidos. Os 7 superviventes empezan hoxe a prestar declaración ante a Capitanía Marítima de Avilés, mentres seguen os labores de busca con medios aéreos e marítimos // O Candidato socialista ás próximas eleccións europeas, José Blanco, acusou a Núñez Feijóo de pretender dar unha imaxe de bo xestor que calificou de falsa. Díxoo nunha conferencia na que foi presentado polo lider dos socialistas galegos Gómez Besteiro e na que tamén instou ao Presidente do Goberno a desactivar a ofensiva soberanista catalana. 22/04/14