Telexornal-Galicia - 22/11/12

O único responsable político que senta no banco dos acusados polo sinistro do Prestige, José Luis López Sors, daquela director xeral da Mariña Mercante, defendeu hoxe no xuízo a súa decisión de afastar o petroleiro da costa. // A Xunta vai colocar nas próximas horas oitenta millóns de euros de débeda no Banco Europeo de Investimentos, para pagar infraestruturas que se están executando na comunidade neste 2012. // A crise económica, a falta de recursos, frea as denuncias por violencia de xénero. É o que conclúe un estudo presentado hoxe por Comisión Obreiras. // Unha doazón anónima de 8.500 euros evita o desafiuzamento unha familia de Vigo con tres fillos. Agora seguirá vivindo no mesmo piso, pagando un alugueiro social. // Galiciencia, unha feira que pretende espertar o interese dos escolares pola investigación e demostrar que a ciencia se pode estudar de maneira divertida. Mostra medio cento de inventos e proxectos de investigación realizados por estudantes de FP e ESO de toda Galicia. (22/11/12)