Telexornal-Galicia - 23/10/12

A resaca das eleccións: Parabéns para Feijóo e a AGE, mentres socialistas e BNG analizan os seus erros. // O histórico contrabandista arousán Luis Falcón, coñecido como "Falconetti", senta no banco da Audiencia de Pontevedra, acusado de branquear dous millóns e medio de euros procedentes do narcotráfico. El e a súa muller, tamén acusada, négano. // Novidosa técnica para a limpeza de liñas eléctricas na Mariña. Un helicóptero poda desde o aire as árbores cunha serra aerotransportada que pode traballar nos lugares de máis difícil acceso. // O Camiño de Santiago cumpre 25 anos como Primeiro Itinerario Cultural Europeo. Entre os numerosos actos conmemorativos, abre hoxe unha exposición sobre as paisaxes de Europa ligadas ás peregrinacións. // Manuela Cortizo, unha cantareira de 82 anos que representa a tradición oral da comarca pontevedresa de Terra de Montes. 23/10/12