Telexornal-Galicia - 23/06/14

Moita xente olla hoxe para o ceo, tratando de calcular o tempo que imos ter pola noite. Segundo avance a tarde, a cousa  irá a peor e, igual que en días pasados, chegarán os tronos e precipitacións. A boa noticia é que, de cara á noite, cando pase o episodio de tronada, as precipitacións diminuirán e mesmo chegarán a desaparecer en moitas zonas // Semana decisiva para o cambio de propiedade e de dirección en NovaGalicia Banco. Celébrase na Coruña a Xunta xeral de accionistas que vai elexir aos membros do novo Consello de Administración para que dirixa á entidade resultante da fusión das caixas galegas, e logo da súa compra polo venezolano Banesco // Sen trazas de solución para o conflicto laboral da recollida do lixo urbán en lugo, cando están a piques de cumprirse os 15 días dende que se iniciou a folga. Traballadores e empresa concesionaria seguen sen negociar e o Concello anuncia que vai ampliar o seu recurso á pública Tragsa, tratando de evitar os cheiros e perigo sanitario. 23/06/14