Telexornal-Galicia - 23/12/14

O aeródromo de Rozas, en Lugo, vai acoller un centro de investigación en avións non tripulados, "drones". Xunta e Goberno central investirán 10 millóns de euros, para reformar as instalacións actuais. O proxecto creará 50 postos de traballo // Declaran na policía en Madrid os dous últimos detidos en Valencia en relación coa morte do siareiro do Deportivo, Francisco Javier Romero. Un deles está acusado de ser outro dos autores materias da morte // A asociación SOS Bebés Roubados de Galicia estima que hai entre 250 e 300 pais que seguen buscando aos seus fillos despois de perdelos en estranas circunstancias logo dun parto. Sucedeu entre os anos 50 e 80, sobre todo nas provincias da Coruña e Pontevedra // Os empresarios de discotecas calculan que haberá unhas cincocentas festas ilegais este fin de Ano. Pidenlles aos Concellos que as impidan. O 15% delas non reúnen as condicións mínimas de seguridade. 23/12/14