Telexornal Galicia 25-09-2024

Parques e recintos públicos pechados dende o mediodía en varias cidades, ante o paso de Aitor, a primeira borrasca do outono. A Xunta recomenda non atravesar zonas que poidan asolagarse e non aparcar nas ribeiras dos ríos, sobre todo nas zonas próximas ao litoral e no interior da provincia de Pontevedra | Na Sesión de Control, Rueda insiste en que unha quita da débeda pública sería un negocio ruinoso para Galicia | Na Ribeira Sacra xa se vendimou máis do corenta por cento da colleita prevista este ano. Incerteza pola decisión dalgunhas grandes adegas de non recoller a produción duns 400 pequenos viticultores debido o exceso de almacenaxe de viño | Mexicráneos é o título dunha mostra que se achega en Lugo a cultura mexicana arredor da morte.