Telexornal-Galicia - 25/10/12

Os galegos poderemos elixir médico, pediatra, enfermeiros e mesmo hospital. É unha das novidades do borrador da Lei de Garantías de prestacións sanitarias públicas estudado hoxe no Consello da Xunta. // O concello de Cerdedo recupera os 200.000 euros que os piratas informáticos roubaran da súa conta de banca electrónica. A maioría das transaccións foron rastrexadas e anuladas, e o resto adiantoullo Novagalicia Banco. // Técnicas básicas para a reanimación de bebés. Nais e avoas de Ourense aprenden cómo actuar se o pequeno entra en parada cardiorrespiratoria. // Foi a imaxe de Televisión Española en Galicia. Tereixa Navaza recibe hoxe unha homenaxe organizada polo Consello da Cultura Galega. // A dous días do derbi aumenta, a modo, o ritmo de venda das entrada en Balaídos, e tamén medran as queixas polo seu elevado prezo. 25/10/12