Telexornal-Galicia - 26/02/15

Manifestación dos estudantes tamén nas principais cidades galegas. Esixen a retirada do decreto que modifica o ensino superior con graos universitarios máis curtos de 3 anos e masters de 2. Unha reforma aprobada o pasado 30 de xaneiro. Dín que eses cambios encarecerán os seus estudos e limitará o acceso a educación // O produto interior bruto de Galicia medrou durante o ano pasado un 0,4%. Con estes datos, a nosa economía encadea 4 trimestres consecutivos de crecemento interanual e confirma o inicio da recuperación económica, segundo Consellería de Facenda. Trátase das mellores cifras dende hai 4 anos // A rebaixa do prezo do solo industrial, acordado pola Xunta permitiu vender, nun mes, máis parcelas que nos dous anos anteriores, e proporcionou uns ingresos de 7 millóns de euros. Son datos ofrecidos hoxe nunha reunión do Consello que tamén avaliou en 50 millóns de euros o resultado do plan de control dos tributos propios da comunidade autónoma, posto en marcha o ano pasado. 26/02/15