Telexornal Galicia 26-09-2024

Morta unha muller, de 60 anos, presuntamente a mans do seu fillo, de 20, que xa foi detido. Ocorreu no domicilio de ambos na parroquia de Rubiós do Concello das Neves. Segundo a Garda Civil, a cargo da investigación, o presunto autor do crime padece un trastorno mental e un problema de drogodependencia | Os servizos de emerxencias rexistraron máis de 300 incidencias nas últimas horas por mor da borrasca Aitor, que deixou ventos e chuvias moi fortes en toda a comunidade. Toda Galicia segue en alerta amarela ata dentro dunha hora | Visto para sentenza en Pontevedra o xuízo pola explosión dun almacen pirotécnico de Paramos, en Tui, que en maio de 2018 causou dous mortos, numerosos feridos e danos en centos de vivendas. Tras un acordo previo o acusado aceptou catro anos de cárcere e hoxe pediu perdón aos afectados |