Telexornal-Galicia - 31/01/14

Un grupo de veciños de Sanxenxo levan meses concentrándose contra a construcciòn de dous pantaláns cos que o Club Náutico da localidade pretende ampliar o porto deportivo. No Club Náutico afirman que a lámina de auga estará mais limpa // Os 5 concelleiros socialistas ourensáns expedientados polo partido amósanse dispostos a dialogar pero din que non van ceder ante o que califican de presións. O Alcalde, ao que están enfrontados, pídelles que rectifiquen e advirte que, en caso contrario, serán excluídos do grupo de goberno // O centro comercial Dolce Vita, aberto hai 5 anos na Coruña, pecha hoxe as suas portas. Foi o primeiro centro comercial grande e moderno que se inaugurou nesta cidade. Abríu cos seus 113 locais ocupados e nestes últimos meses só funcionaban 9. Agora pecha vitima da crise e da forte competencia doutros 10 centros comerciais abertos na cidade. 31/01/14