Telexornal-Galicia - 31/10/14

Os cemiterios de toda Galicia reciben hoxe os últimos retoques para os días do ano nos que reciben máis visitas. A colocación das flores nos nichos e panteóns é outra das escenas que se repiten por toda a nosa xeografía. Rosas e crisantemos son as máis demandadas, nunha data na que soben considerablemente de prezo // A Xunta confirma o interese da multinacional Gestamp por establecer en Ferrol unha factoría de torres para aeroxeneradores mariños. Aproveitaría instalacións de Navantia agora sen uso. De materializarse, o proxecto suporía un investimento de 100 millóns de euros e a creación duns 700 postos de traballo // Riazor prepárase para recibir ao Getafe esta noite. O Dépor quere aproveitar a boa racha que lle permitiu sumar puntos nos dous últimos encontros e manterse alonxados da parte baixa da táboa. Mentres, o Celta xa está en Barcelona onde adestrará esta tarde antes do difícil compromiso de mañá ante o Barça do seu extécnico Luís Enrique. 31/10/14