Galicia

Nueva Pescanova pretende prescindir dun cento de traballadores nas oficinas de Chapela e Madrid. En plena negociación dabanca pra vender a unha firma canadense o 80 por cento da compañía, a dirección presenta este ERE.
E a catro días pra o comezo do curso escolar a Xunta, ante as críticas dos sinddicatos, mantén que non hai reducción de profesores. Pero en moitos colexios hai protestas e en varios da Costa da morte xa anuncian un boicot ó inicio das clases.
E saiban que continúa a busca de dous homes desaparecidos en Abadín e Pol. Primeiro, de 82 anos está en paradoiro descoñecido desde o luns. A desaparición do segundo, de 72 anos, foi comunicada este martes.
O tempo.
Hoxe agardamos nubes de tipo medio e alto; chuvascos treboentos pola tarde no interior e temperaturas sen cambios.

Cando as familias xa están metidas na conta atrás pro inicio do novo curso escolar, continúa o baile de cifras sobre as ratios na aula entre a Consellería de Educación, as ANPAs e os sindicatos.
Polémica ademais ó redor dos comedores escolares, nun día no que soubemos que Nueva Pescanova presenta un ERE para extinguir ó redor de cen contratos en Redondela e Madrid.

Con Silvia Muíña.

Sanidade presenta a sua estratexia para implicarse na loita contra o cambio climatico.

Pretende reducir ata 2030 un 60 por cento as emisións de CO2. Unha tarefa na que pretende implicar tanto o persoal do Sergas como os pacientes.

O BNG levará ao Parlamento a posta en marcha dun escudo social para protexer ós cidadáns ante a crise de prezos.

Tras unha reunión da interparlamentaria nacionlista Ana Pontón fixouse como inmediatos retos lograr que Galicia non se baixe do tren das nacións e liderar o futuro goberno autonóico.

Os traballadores do estaleiro Metalships levaron hoxe a súa protesta a Moaña.

Concentráronse ante as instalacións do grupo Rodman. Levan unha semana de folga polo despedimento de 7 compañeiros.

Avanza a renovación do corredor ferroviario entre Lugo e Ourense.

Máis da metade do novo túnel do Oural xa está feito. Avanza a un ritmo de 45 metros por semana.

O tempo. pola tarde haberá máis nubes pero non se agardan chuvias.

- Noticias de Lugo- Novas de Lugo en Radio Nacional y Radio 5

Ás portas do comezo escolar, A Federación de ANPAS de COmpostela e a concellería de Educación buscarán retomar a posta en marcha do Consello Escolar Municipal. Un órgano que non se convoca desde o ano 2011.

- Santiago contará con nova depuradora en maio de 2026. O goberno licitou o contrato pras obras, logo de incluir o incremento dos prezos e os gastos non imprevistos.

-O persoal de limpezas de Correos na provincia da Coruña comeza unha folga indefinida en protesta polos incumprimentos salariais e laborais da concesionaria. A partir das 11 concentraránse na sede de Correos en Santiago.

-Santiago acollerá o ECAI, o congreso de intelixencia artificial máis importante de Europa. Será en outubro do ano que vén.

-o BNG da Coruña levará mañá a pleno a feira do libro. Considera o goberno local non estivo á altura da cidade literaria

En quince días empezará a vacinación dos bebés contra o virus sincitial. Será a partir do día 25. A data anunciouna o presidente da Xunta tras visitar unha escola de educación infantil en Vigo. Comezou a actividade nestes centros con queixas pola duplicidade de solicitudes entre centros públicos e privados. Todos son de balde, pero os requisitos non son iguais.
Nas etapas educativas o curso empeza a vindiera semana e o sindicato ANPE agora un comezo conflictivo, sen descartar mobilizacións

O novo curso, escolar e político, marca a actualidade destes días. No Parlamento, o primeiro pleno despois do verán terá lugar a vindeira semana. Segundo soubemos hoxe, un dos asuntos destacados será a transferencia a Galicia da autoestrada AP-9. Será a cuarta vez que se faga a petición dende a cámara galega. O último texto caducou no Congreso ó convocarse ás eleccións xerais de xullo. Debaterase tamén sobre o contrato do SERGAS con clínicas privadas pra derivarlles abortos.

Nas escolas, de momento os que xa están de estrea son os nenos de 0 a 3 anos. Hoxe, primeiro día nun ano no que tódolos centros, públicos e privados, volven ser gratuítos.

E xa hai data para comezar a vacinación contra o virus da bronquiolite, destinada ós nacidos dende abril. Será a partir do 25 de setembro.

Estancadas as negociacións entre as administracións e os bombeiros comarcais pra poñer fin a folga que comezou en xuño.

A parte traballadora tiña prevista esta mañá unha reunión con Xunta e deputacións no Consello de Relacións Laborais pero finalmente NON se celebrou. Só se reuniron deputacións e Xunta

A Mesa Pola Normalización Lingüística abre rolda de contactos cos partidos políticos galegos con representación no congreso

Queren que o debate do uso do galego no Congreso sirva pra estende-la normalización a outros eidos e administracións estatais

Satisfacción de Unións Agrarias ante a decisión da Comisión Europea de revisar as medidas de protección do lobo.

Cren que o aumento da súa presenza pode ser un perigo real pro gando en zonas como Galicia, onde se rexistran máis de 2.200 reses mortas ó ano.

A presenza das toxinas nas nosas rías pode ser unha boa nova pros produtores de mexillón

É indicativa da chegada de fito-plancton, que é o principal alimento dos moluscos. Chega xusto cando os bateeiros se queixaban do pouco crecemento que estaba a experimentar durante este verán.

No tempo, ceos parcialmente cubertos, e chuvascos que van remitindo