Suscríbete a este tema
A comisión de pesca europea deixa sen esperanzas a curto prazo á frota galega. Non haberá cambios inmediatos no regulamento que veta a pesca de fondo nas áreas protexidas do Atlántico. A situación actual quedará como está, polo menos, ata marzo ou abril do vindeiro ano. Na frota galego, hai barcos amarrados á espera de atopar caladoiros nos que non cadren con moitos buques doutras artes. A campaña do Nadal, a mellor do ano, periga.
Novidades tamén na campaña de vacinación da covid. A finais da semana comezará a repesca da cuarta dose, abrirase así a opción de que os maiores poñan a cuarta dose nos centros máis próximas ás súas vivendas.
E en axenda esta mañá seguen as reunións do presidente da Xunta cos alcaldes das principais cidades. Quenda ás dez e media para o ourensán Gonzalo Pérez Jácome.
Concentración de buques nalgúns dos 41 caladoiros nos que ainda poden faenar as flotas comunitarias, pero tamén barcos amarrados nos portos. Son as imaxes que deixa a entrada en vigor do veto a pesca de Bruxelas.
Un veto que a Comisión European rafirma, non se volverá a estudar ata que non se publiquen os novos informes científicos, o vindeiro 15 de decembro.
Arrinca oficialmente a campaña de vacinación contra a gripe, coa incorporación dos menores de 5 anos ós grupos de risco
Os especialistas agardan que teña unha maior incidencia tras dous anos case ausente, e chaman ós cidadáns a vacinarse pra reduci-la súa circulación.
Día da saúde mental. Coa denuncia sobre a mesa de que faltan medios pra atender estas doenzas
O Movemento Galego de Saúde Mental cifra en dez mil as persoas en listaxe de agarda pra unha primeira consulta. E a Fundación Salma alerta de que máis da metade dos trastornos aparecen antes dos 14 anos.
Unións Agrarias denuncia que a cadea de supermercados Alcampo está a vender unha das súas marcas de leite por debaixo dos custos de produción
Está a 73 céntimos, algo que xa denunciaron ante a Axencia de Información e Control Alimentarios. Piden que se faga cumpri-la lei de cadea alimentaria.
Séptimo día de folga no sector do metal na provincia de Ourense, con denuncias da patronal de incidentes cos piquetes
Acúsanos de agredir a dous gardas de seguridade durante unha concentración. Varios sindicatos de seguridade xa denunciaron as agresións
No tempo, xornada inestable con chuvias intermitentes.
As novas da provincia de Ourense presentadas por Marta Landeira e Carlos Cerecedo
Os armadores da provincia traballan xa ó que dita o novo regulamento europeo sobre a pesca de fondo. Prohibido faenar a máis de 400 metros de profundidade de 87 áreas do Atlántico. De momento, todo está a transcorrer sen incidencias, pero o sector xa avisa de que acabará habendo conflito.
As vítimas do Alvia denuncian trato de favor ó ADIF no xuízo que vén de comezar na Cidade da Cultura de Santiago. O proceso retómase o xoves, coa declaración do ex director de Seguridade de ADIF, Andrés Cortabitarte.
En Oleiros, os veciños do Couto volven concentrarse hoxe en demanda dun paso de peóns. Critican que se considere a falta de vivendas coma un argumento válido para non adoptar a medida.
Hoxe comeza en Ferrol a sexta Edición do Festival de Artes Escénicas "Fóra do Mapa". Vaise prolongar ata o sábado
As novas da provincia de Ourense presentadas por Marta Landeira e Carlos Cerecedo
Galicia amence pendente da pesca ante a primeira semana coa nova normativa europea que veta a actividade de fondo nas áreas protexidas do Atlántico. Vintecatro horas despois da súa entrada en vigor, o temor é que existan conflitos entre as diferentes artes pesqueiras ó ter que compartir zonas de traballo. De momento, o goberno pedirá a nulidade da medida ante o tribunal de xustiza da Unión. En todo caso, pendentes esta tarde da comisión de pesca en Bruxelas.
Hoxe comeza a campaña de vacinación da gripe pros grupos de risco, incluidos os nenos de entre 6 meses e 5 anos.
E a noite deixa un falecemento nas estradas. Unha muller de 90 anos morreu en Melide tras unha colisión frontal.
Nos deportes, derrota do Celta contra o Barça no Camp Nou por un gol a cero
O primeiro día co novo regulamento europeo sobre a pesca de fondo en vigor transcorre de momento sen incidencias, pero os armadores xa advirten de que o conflito entre as distintas artes vai ser inevitable. Ademais, tra-lo éxito da concentración deste sábado en Ribeira, non descartan novas mobilizacións.
A partir das dúas menos vinte imos falar coa secretaria xeral de Pesca, Alicia Villauriz, que pon o foco no prexuízo que o veto europeo vai supoñer, sobre todo, para o palangre
Xosé Manuel García fala coa secretaria xeral de Pesca, Dña. Alicia Villauriz
Hoxe é o día. O sector pesqueiro galego sae á rúa en Ribeira para protestar contra o veto europeo á pesca de fondo en 87 áreas do Atlántico. A cita, a partir das sete, a só unhas horas de que entre en vigor o novo regulamento.
Protesta tamén este mediodía en Santiago das traballadoras sociosanitarias de axuda a domicilio.
Polo demais, a consellería de Sanidade avisa de que segue a repuntar a pandemia e apela a vacinarse coa dose de reforzo. Anuncia unha suba de máis do 50 por cento no orzamento de vacinación pro vindeiro ano.
E a voltas de novo cos orzamentos estatais, con declaracións de tódolos líderes políticos.
No tempo da entrevista hoxe falamos con Mofa e Befa
Entrevista con Evaristo Calvo e Victor Mosqueira, integrantes do duo humorístico Mofa e Befa.
Realizada por Alejandra López
Os armadores teñen moitas dúbidas sobre a aplicación e o impacto que terá o veto a pesca imposto por Bruxelas, que se aprobará este domingo. Dinalmente son o do sector do palangre os que din se verán máis afectados. Mentres o ministerio de Pesca e a Xunta anuncian que poderían aprobar axudas pras frotas.
E esta mañá deu comezo a vacinación co reforzo da covid nos grandes centros galegos, coicidindo coa celebración en Compostela da Conmisión Interterritorial de Saúde.
- Setecentos expositores de corenta países mostran en Vigo a súa oferta buscando mercados novos
- As empresas galegas seguen apostando por internacionalizarse para mellorar o acceso á materia prima
As novas da provincia de Ourense presentadas por Marta Landeira e Carlos Cerecedo
O delegado do Goberno en Galicia pídelle á Xunta que recoñeza o forte carácter social dos Orzamentos Xerais do Estado. José Miñones cifre en case 1.200 millóns de euros o diñeiro destinado a Galicia: un 13 por cento máis có ano pasado.
En Santiago, reuniuse o Consello interterritorial do Sistema nacional de saúde. Non tiña previsto abordar a retirada das máscaras onde aínda é obrigatoria. Arestora comparecen a ministra de Sanidade e o conselleiro da Xunta.
Galicia puxo en marcha a vacinación dos maiores de 80 anos pra o que reabre os chamados vacinodromos. Os casos activos de coronavirus aumentaron esta semana todo-los días. Agora xa pasan dos 1.600.
Un atlas reconstrúe a paisaxe de Galicia ó longo dos séculos co Camiño de Santiago como fío condutor. A obra componse de 700 páxinas de máis dun metro de ancho. Inclúe cartografías, textos e fotografías.
O tempo. Hoxe, predominan as nubes.
