Galicia

Segue dando pasos a investigación do naufraxio do Villa de Pitanxo na audiencia nacional. Os armadores da casa Norés defenderon hoxe que o pesqueiro naufragado en febreiro do ano pasado en Terranova cumpría coas medidas de seguridade. Fronte as súas palabras, escoitábanse as de mariñeiros que embarcaran no barco en anteriores viaxes, que negaron a existencia de simulacros, de traxes e falaron de xornadas extenuantes. Declaracións que reforzan a posición das familias dos 21 falecidos.

Bo día. Os problemas co transporte público saen de novo ás rúas en Ferrol e Ribeira. As plataformas que defenden un transporte digno demandan un servizo de calidade, puntual e con prazas suficientes.

Nova protesta este domingo en contra da especulación enerxética. Desta volta, tamén en Ferrol, convocada por Vento Mareiro.

O comité de empresa de EINSA Print reúnese hoxe con representantes do goberno galego. Este xoves remata o período de consultas do ERE desta empresa das Pontes

Os pensionistas de Compostela inician mobilizacións contra a decisión da Xunta de privatizar a xestión das residencias de maiores da Fundación Amancio Ortega. Hoxe sairán á rúa en Santiago

Castro Caldelas volveu ás urnas, e volveu escoller a Sara Inés Vega como alcaldesa por maioría absoluta. A socialista obtén de novo o apoio da veciñanza na repetición das eleccións de maio.

Péchase así o ciclo das municipais. Por diante quedan as autonómicas, o PSdeG non descarta que o PP adiante os comicios.

Todo nunha mañá na que declararán na Audiencia Nacional dous directivos da armadora Nores para determinar a súa posible responsabilidade no naufraxio do Pitanxo.

Nos deportes, o Celta só conseguiu levarse un punto de Mestalla fronte ó Valencia.

Entrevista co candidato do PsdeG á presidencia da Xunta, José Ramón Gómez Besteiro.

Realizada por Xosé Manuel García.

Repetición electoral hoxe en Castro Caldelas. O concello ourensán é o único de Galicia que este domingo repite os comicios do 28 de maio. De momento, sen incidencias.

A voltas ademais cos problemas do transporte, con protesta en Ferrol para pedir un servizo de autobús digno. E digno tamén debería ser o tren en Galicia. É o que lle acaba de pedir por carta a portavoz nacional do BNG ó novo ministro de Transportes.

Un dos asuntos que tamén abordamos hoxe na entrevista con José Ramón Gómez Besteiro, candidato do PSdeG á presidencia da Xunta. Iso será a partir das dúas menos vinte.

Estaremos ademais en Santiago na andaina solidaria contra a violencia de xénero "Camiño ó Respecto".

E na despedida do rei emérito, que xa abandonou Sanxenxo.
 

Entrevista coas músicas Sabela Caamaño e Antía Ameixeras, do dúo Caamaño e Ameixeiras.

Realizada por Andrea Oca.

Galicia mobilízase hoxe contra a violencia machista. Marchas convocadas para lembrar que as agresións físicas e psicolóxicas ás mulleres non poden quedar impunes. Deben ser identificadas e erradicadas. Xa houbo manifestacións pola mañá, pero a maioría serán pola tarde.

Polo demais, o Consello Nacional do BNG ratificou a candidatura de Ana Pontón á presidencia da Xunta, folga indefinida dos condutores de buses de Vitrasa en Vigo e protestas en defensa da mina de Penouta e un convenio digno en Stellantis.
 

Folga das traballadoras de Arenal Perfumerias na provincia da Coruña. Piden que a empresa lles aplique o convenio provincial do comercio vario e compensacións económicas polo exceso de horas.

Mañá pasan a disposición xudicial na Coruña os sete detidos nunha operación antidroga na comarca do Salnés. Entre eles figura Juan Carlos Santórum, un vello coñecido das Forzas de Seguridade que estivera fuxido da xustiza.

Lugo é a provincia española con maior índice de obesidade. Segundo un estudo do Instituto de Saúde Carlos III por comunidades, Galicia ocupa o segundo posto; a provincia de Ourense é a primeira en obesidade infantil.

En Vigo xa está todo preparado pra que esta tarde comece oficialmente o Nadal.
O turismo bate records nestas datas. O hoteis xa están completos para as fins de semana en decembro.

Folga das traballadoras de Arenal Perfumerias na provincia da Coruña. .

Piden que a empresa lles aplique o convenio provincial do comercio vario e compensacións económicas polo exceso de horas.

Mañá pasan a disposición xudicial na Coruña os sete detidos nunha operación antidroga na comarca do Salnés.

Entre eles figura Juan Carlos Santórum, un vello coñecido das Forzas de Seguridade que estivera fuxido da xustiza.

Lugo é a provincia española con maior índice de obesidade.

Segundo un estudo do Instituto de Saúde Carlos III por comunidades, Galicia ocupa o segundo posto; a provincia de Ourense é a primeira en obesidade infantil.

En Vigo xa está todo preparado pra que esta tarde comece oficialmente o Nadal.

o turismo bate records nestas datas. O hoteis xa están completos para as fins de semana en decembro.

O tempo. Non hai variacións... segue seco e soleado. Temperaturas baixas ás noites.

Resumen actualidad informativa de la provincia de Ourense presentado por Marta Landeira y Eva Otero.

Este venres, día do Black Friday, as traballadoras de Arenal perfumerias da provincia van á folga- Unha xornada na que queren revindicar mellores condicións laborais e denunciar a diferenza de salario que se lles aplica por estar dentro do convenio estatal de perfumerias e non do convenio provincial do comercio vario.

A CIG convoca folga indefinida en "Galictio" a partir de hoxe. Sinala que o fai como resposta ós continuos incumprimentos do convenio colectivo e pola modificación sustancial das condicións de traballo impostas pola dirección.

As probas de ADN confirman que o cranio achado nunha aldea de Mazaricos corresponde a Antonio Tuñas, o veciño da localidade desaparecido hai case un ano.

En Santiago, moción conxunta das tres forzas de esquerda da corporación municipal pra que a Xunta financie integramente o novo parking do hospital.

Resumen actualidad informativa de la provincia de Ourense presentado por Marta Landeira y Eva Otero.

A Garda civil investiga as causas e circunstancias da morte dunha muller. O seu corpo apareceu no Porriño, ó carón dunha vía de acceso ó polígono das gándaras. Xusto ás portas do día internacional pola erradicación da violencia contra a muller.
E non hai folga en Renfe... foi desconvocada onte á tarde, pero a compañía non descarta que poida producirse algunha incidencia polo pouco tempo que tivo para repoñer os servizos que estban anulados.
Temos que lamentar un accidente mortal en Vilardevós. Un veciño de Cualedro faleceu tras chocar co seu coche contra un camiño.
Atención ós condutores que pasen pola A6 a altura de Pedrafita, nuns minutos, ás oito, haberá unha modificación dos desvíos de tráfico existentes polas obras de reconstrución dos viadutos do Castro. Cambiarase o percorrido entre os quilómetros 428 e 432 nos dous sentidos de circulación.

O tempo...sen cambios.... sen nubes, agás na Mariña, pero con máis frío.