O novo modelo de finaciación autonómica bota a andar. Na primeira reunión do Consello de Política Fiscal e Financieira, Galicia opúxose á proposta do Ministerio. O conselleiro de Facenda dí que fai recaer o recurte de endebedamento nas comunidade e Miguel Corgos segue a sospeitar que se está a negociar con Cataluña ás costas do resto das autonomías.
Mentras a frota pesqueira galega segue moi pendente de que nas próximas horas se peche o novo sistema de cotas. Tanto o ministro Planas como o sector amósanse optimistas.
O sector pesqueiro galego ten por diante unha xornada de tensa agarda polos resultados do consello de ministros de pesca. En xogo están as cotas de pesca do vindeiro ano, e por vez primeira poderían coñecerse as de varios anos nalgunhas especies do atlántico. O Ministro Luis Planas é optimista tralos primeiros encontros informais, pero o resultado non se coñecerá ata a madrugada
Un consello que podería adoptar unha medida crucial pra evitar a desaparición da anguía, en perigo crítico de extinción. Só a prohibición de pescala durante seis anos ou máis pode evitalo, segundo Amigos da terra.
A ANPA do CEIP María Barbeito da Coruña, terá que sufragar os costes da metade da ampliación do comedor escolar. Unha situación sen precedentes que as familias denuncian.
O BNG de Santa Comba urxe á Xunta unha actuación inmediata no centro de saúde e no colexió Barrié de la Maza có fin de solucionar o deterioro destes dous servizos esenciais
Os traballadores do Hotel Almirante de Ferrol acusan á empresa Pazo Libunca de incumprir coa legalidade vixente, ao non subrogar a dous traballadores que, como o resto do cadro de persoal, terían que pasar de Carrís Hoteis á nova empresa explotadora.
Cita esta mañá das autonomías co Ministerio de Facenda, a Xunta quere que se poña sobre a mesa a condonación da débeda das comunidades ou a execución de fondos europeos.
Todo nunha xornada na que a frota galega mira a Bruxelas. Reunión de ministros europeos de pesca para decidir as cotas para algunhas especies a partir do ano que vén.
Atrás queda unha Ponte da Constitución cunhas cifras de ocupación hostaleira que melloraron as previsións. O balance negativo está nas estradas, con 4 vítimas mortais, a última unha muller de 59 anos en Xinzo.
Nos deportes, o Celta pechará esta noite a xornada de Liga en Primeira cunha visita ó campo do Rayo Vallecano a partir das nove.
En media hora, ás dúas, comeza o Consello de Ministros de Pesca da Unión Europa en Bruxelas. A frota galega mira de esguello os TAC e as cotas para 2024.
Ademais, centos de colectivos adiántanse ó Día das Montañas con mobilizacións nas catro provincias para demandar o final da sobreexplotación eólica.
Falamos ademais de turismo ó final dunha ponte festiva na que o Camiño Francés a Santiago cumpre 30 anos como Patrimonio da Humanidade. Os actos de celebración comezaron esta mañá cun repenique de campás.
Con los partidos ya inmersos en la precampaña, son dos las incógnitas de cara a las elecciones gallegas. La primera, cuándo convocará Alfonso Rueda unos comicios que deben celebrarse en el primer semestre del próximo año y que supondrán el primer desafío electoral para el líder del PP gallego, tras recibir la presidencia de la Xunta de manos de Feijóo.
La segunda: cómo se articulará la izquierda del PSOE. Sumar ve difícil una coalición con Podemos en Galicia tras su ruptura en el Congreso.
FOTO: El presidente de la Xunta, Alfonso Rueda DAVID CABEZON / XUNTA
Entrevista en Radio Nacional y Radio 5 de Rtve con la delegada en Galicia de la asociación de mujeres cineastas, Nati Juncal, realizada por Andrea Oca.
Dous días de loito en Marín. Hoxe e mañá as bandeiras ondean a media asta e suspendéronse tódalas actividades culturais, deportivas e de ocio no concello, en sinal de dó.
É a nova tráxica dun día no que botan a chave os centros masivos de vacinación contra a covid e a gripe. Pero a campaña vai continuar a partir do luns nos hospitais e nos centros de saúde. O SERGAS recomenda inmunizarse antes de final de ano.
As anpas galegas Cren que o anuncio do presidente da Xunta de que á volta do Nadal se ampliará a prohibición dos móbiles nos centros escolares é unha manobra de distración. Lembran que xa hai unha norma vixente dende hai case dez anos, e cren que o goberno galego só busca demonizar as tecnoloxías no canto de formar no seu uso e aproveitalas no ensino.
Mentres, hai pais que optan por evitar os posibles riscos do mal uso do móbil evitando que o teñan ata os 16 anos. E organízanse pra rebaixa-la presión social sobre os seus cativos.
As últimas horas déixannos un atraco a punta de pistola en Vigo. Foi a pasada tarde nunha sucursal bancaria. Botín de 300 mil euros e operación Xaula para dar cos atracadores nunha cidade ateigada de xente polas luces do Nadal.
Detalles, Óscar González, bo día!
Un atraco en Vigo que é o sexto na contorna en dous meses. E que coincide coa detención de catro persoas implicadas en roubos en bancos en Pazos de Borbén e Vilaboa.
Polo demais, o fundamental deste xoves pasa polo consello da Xunta e a ampliación nas limitacións do uso do móbil nos centros educativos. Agora afectarán tamén ó horario non lectivo.
Xa sabemos tamén que a autopsia preliminar non aclara como morreu a muller achada inconsciente en Nogueira de Ramuín, e que a Audiencia da Coruña condenou a 27 anos de cadea ó home que asasinou a unha veciña de Oza-Cesuras en 2021.
Nos Deportes, vitorias do Rácing e do Celta na Copa do Rei.
Petición dun Plan Especial de Loita contra o Narcotráfico e reforzos de persoal de seguridade. Demandas da fundación galega contra o narcotráfico ante o alixo de 7 toneladas de cocaína en Cambre, con 4 detidos que aínda non pasaron a disposición xudicial
Marta Lois arrefría as opcións dunha coalición Sumar-Podemos para as autonómicas galegas. Palabras que non entenden na formación morada: defende a súa autonomía para pactar pese a situación no Congreso
Diminúen os ingresos por virus respiratorio sincitial entre os nenos que recibiron a nova vacina do Sergas. Nos lactantes menores de 6 meses apenas hai ingresos, nos menores de 2 meses as hospitalizacións pasaron de 1.200 a 35 por 100 mil habitantes
Reforzo de persoal no mantemento dos trens de Renfe en Redondela ante as continuas avarías e atrasos. Mentres seguen as incidencias, este martes pasaxeiros do Eixo Atlántico tiveron que facer parte das viaxes por estrada
No tempo, xornada de cambios, empezamos con moita chuvia, máis de 70 litros por metro cadrado en varias localidades de Pontevedra, pero a partir das tres xa non haberá avisos por acumulacións.
Falece unha muller en Nogueira de Ramuín, tras ser atopada aínda con vida nun camiño. Presentaba signos de violencia, estaba medio espida. Morreu unha vez no hospital. De 62 anos e nacionalidade ucraína, vivía co seu marido británico. Non hai persoas detidas de momento, todas as hipóteses están abertas, incluída a violencia de xénero.
De contado máis detalles. Outro suceso, de menor entidade, en Mondoñedo. Ferido un cazador tras recibir un disparo accidental.
Nas últimas horas protagonismo tamén para a política. As negociacións entre Podemos e Sumar en Galicia para concorrer xuntos ás eleccións galegas están interrompidas trala separación no Congreso, pero a formación morada dá autonomía ás delegacións autonómicas para tomar as súas propias decisións.
Nos deportes, derrotas do Deportivo e do Arenteiro na Copa do Rei; vitoria do Lugo. Hoxe xogan Celta e Racing de Ferrol
Máis de 7 toneladas de cocaína intervidas nunha nave de Cambre, o maior alixo do ano en Galicia. De contado máis detalles desta nova operación contra o narcotráfico, que deixa de momento 4 persoas detidas.
É a nova das últimas horas, nun Día da Constitución no que o BNG se desmarca dos actos organizados en conmemoración da Carta Magna e celebra o seu propio evento no Panteón dos galegos ilustres para reclamar máis autogoberno para Galicia.
No Parlamento autonómico a política segue marcada polas futuras autonómicas, non hai data pero si precampaña.
Nos vindeiros minutos iremos tamén a Vigo, onde bombeiros e persoal de ambulancias alertan do colapso que vive a cidade nesta época de Nadal.
