Telexornal-Galicia

Novacaixagalicia ten un burato de 3.091 millóns de euros, segundo un informe de expertos independentes que deu a coñecer o FROB. Aínda así, os titulares de participacións preferentes que poidan demostrar que non coñecían o produto recuperarán a totalidade do seu investimento, segundo o ministro de Economía. // Cos votos dos deputados do Partido Popular, o Parlamento rexeitou a toma en consideración dunha iniciativa lexislativa popular para a defensa e promoción da sanidade pública. // Un informe do Real Automóbil Club sitúa en Galicia dous dos tres tramos de maior risco para a seguridade do tráfico das estradas españolas. // O grupo PSA-Citroen de Vigo anuncia unha mellora nas súas condicións contractuais a 337 traballadores da factoría de Vigo. // Luns sen fortuna para o fútbol galego de primeira. (18/12/12)

Novacaixagalicia ten un burato de 3.091 millóns de euros, segundo o FROB. // O Partido Popular rexeita a toma en consideración dunha iniciativa lexislativa popular para a defensa da sanidade pública. // En Galicia están dous dos tres tramos de maior risco para a seguridade do tráfico das estradas españolas. // O grupo PSA-Citroen de Vigo anuncia unha mellora nas súas condicións contractuais a 337 traballadores. // Luns sen fortuna para o fútbol galego de primeira. (18/12/12)

Ceo moi nubrado ou cuberto con precipitacións, localmente persistentes e moderadas en Pontevedra e no Sueste de A Coruña, que caerán de modo máis disperso ao avanzar a tarde. Vento do Sur e Sueste aumentando de intensidade durante a xornada, de moderado a forte no litoral e nas zonas altas e de frouxo a moderado no resto. Temperaturas en lixeiro ascenso. (18/12/12)

Volve a vieira fresca de Galicia. A campaña arrancou esta mañá na Ría de Arousa, xusto a tempo para o Nadal, tras remitir o episodio de toxina amnésica que impedía capturala. Todos os barcos conseguiron os topes. En menos de dúas horas apañaron uns tres mil quilos de vieira, que chegará ao consumidor eviscerada e etiquetada, a partir de mañá. // Unha ducia de sociedades científicas de Galicia únense para defender a eficacia das vacinas. Médicos e científicos insisten na necesidade de protexer a poboación mediante as campañas de vacinación, contra crenzas que poñen en dúbida a súa utilidade, que se están a difundir nos últimos anos. // Un ourensán gaña no Gordo da Primitiva 10 millóns seiscentos mil euros. O único acertante do premio de primeira categoría, do que non se coñece a identidade, xogou un boleto automático de dúas apostas que lle custou tres euros. 17/12/12

Sinaturas contra as taxas xudiciais, que se comezan a cobrar hoxe. A partir de agora vai custar entre 100 e 1.200 euros acudir á xustiza, en función do tipo de demanda e de cantas veces se recorra a sentenza. // Un ourensán gaña no Gordo da Primitiva 10 millóns seiscentos mil euros. O único acertante do premio de primeira categoría, do que non se coñece a identidade. // Unha ducia de sociedades científicas de Galicia engádese a un documento para defender a eficacia das vacinas. Médicos e científicos insisten na necesidade de protexer a poboación mediante as campañas de vacinación. // Deportivo e Celta teñen cita de Liga esta tarde, o Depor en Riazor fronte ao Valladolid, e o Celta en Balaídos contra o Betis. Os dous están necesitados de puntos. // A partir de mañá volveremos atopar nos mercados vieira fresca de Galicia. A campaña comezou esta mañá na Ría de Arousa, xusto a tempo para o Nadal. 17/12/12

Sinaturas contra as taxas xudiciais, que se comezan a cobrar hoxe. // Un ourensán gaña no Gordo da Primitiva 10 millóns seiscentos mil euros. // Unha ducia de sociedades científicas de Galicia engádese a un documento para defender a eficacia das vacinas. // Deportivo e Celta teñen cita de Liga esta tarde. // A partir de mañá volveremos atopar nos mercados vieira fresca de Galicia. 17/12/12

Ceos anubrados con chuvias dispersas, pouco probables pola tarde. Pola noite, precipitacións que entrarán polo Oeste e o Sueste de Galicia. Vento do Sur e Sueste frouxo, con intervalos de moderado no litoral. Temperaturas sen cambios significativos. 17/12/12

A débeda pública segue medrando. A galega é de 7.622 millóns de euros, o 13.3% do Produto interior bruto autonómico. Pese a que aumenta, faino menos ca o conxunto das comunidades. Un dato que dixo o presidente da Xunta respalda a súa política de control do gasto. // Cúmprense 20 anos da plantación no Monte Castrove de Poio de 500 sequoias para conmemorar daquela o 500 aniversario do descubrimento de América. Foi un día de moita choiva, coma o de hoxe, o que axudou a que as plantas enraizasen. Vai camiño de se converter no bosque destas arbores xigantes máis extenso fóra dos Estados Unidos. // Comeza o Concurso de Saltos Internacional cinco estrelas de Casas Novas, unha das citas hípicas máis importantes do noso país, que chega á súa vixésima quinta edición. No recinto de Arteixo competirán ata o domingo case 170 cabalos e xinetes e amazonas da elite mundial da hípica. (14/12/12)

Pasou o peor. O temporal das últimas deixou en Galicia unhas duascentas incidencias menores. // O presidente da Xunta asegura que Galicia é a comunidade autónoma na que menos medrou a débeda durante o último ano. // Pensionistas das catro provincias concentráronse esta mañá diante das sedes da Seguridade Social para protestar contra a non actualización das pensións. // Hoxe cúmprense 20 anos da plantación no Monte Castrove de Poio de 500 sequoias para conmemorar entón o 500 aniversario do descubrimento de América. // Arranca esta tarde o Concurso de Saltos Internacional cinco estrelas de Casas Novas, unha das citas hípicas máis importantes do noso país. // 70 nacementos que representan a tradición católica de África e Latinoamérica pódese visitar este Nadal no Bispado de Ourense. (14/12/12)

Chuvias xeneralizadas e de forte intensidade durante a madrugada e primeiras horas da mañá. A medida que avance a xornada tenden a perder intensidade e fanse máis intermitentes. Vento do Sueste, forte durante toda a xornada, pero en particular durante a madrugada, con momentos moi fortes no litoral e zonas altas do interior. Temperaturas en ascenso entre lixeiro e moderado. (14/12/12)

O temporal das últimas deixou en Galicia unhas duascentas incidencias menores. // O presidente da Xunta asegura que Galicia é a comunidade autónoma na que menos medrou a débeda. // Pensionistas das catro provincias concentráronse para protestar contra a non actualización das pensións. // Hoxe cúmprense 20 anos da plantación no Monte Castrove de Poio de 500 sequoias. // Arranca esta tarde o Concurso de Saltos Internacional cinco estrelas de Casas Novas. // Beléns do mundo en Ourense. (14/12/12)

Nicky estase a aproximar e con ela tamén a chuvia que non deixa de caer. Temporal no que hoxe o peor está na costa da Coruña onde a alerta é amarela. As ondas no mar superaron os cinco metros e en terra en Cedeira rexistraron refachos máximos de ata 108 km por hora. // Laboratorios Nupel, unha das empresas do principal imputado na Operación Campéon, Jorge Dorribo a poxa por sete millóns de euros. Só pagaron un, polas naves e varios vehículos de luxo. // A empresa AZKAR, con orixe en Lugo, pasa a ser de propiedade alemá. O grupo DACHER, que era socio minoritario da empresa de transporte, vai comprar en xaneiro todas as accións da compañía. A dirección actual seguirá á fronte da compañía e non se prevé ningunha redución de persoal. Mesmo podería aumentar empregos. 13/12/12

Imparable o segundo gol do Celta. Bustos deixou ao porteiro laiándose no céspede ao encaixar o 2 a 0 en Balaídos. Noite máxica para o celtismo necesitado de alegrías no seu ascenso. // Saían á poxa por case sete millóns de euros e adxudicáronse por menos dun. Son bens dos laboratorios farmacéuticos Nupel, de Jorge Dorribo. // A empresa AZKAR, con orixe en Lugo, pasa a ser de propiedade alemá. O grupo DACHER, que era socio minoritario da empresa de transporte, vai comprar en xaneiro todas as accións da compañía. // Novas normas para escolarizar aos nenos no colexios públicos. Contará máis ter irmáns no mesmo centro. // O inspector naval que enviou a capitanía marítima ao Prestige, a tentar poñelo en funcionamento tras o accidente, acusa á tripulación do petroleiro de sabotar a máquina para que o buque embarrancara. 13/12/12

Noite máxica para o celtismo necesitado de alegrías no seu ascenso. // Poxa do bens dos laboratorios Nupel, de Jorge Dorribo. // A empresa AZKAR, con orixe en Lugo, pasa a ser de propiedade alemá. // Novas normas para escolarizar aos nenos no colexios públicos. Contará máis ter irmáns no mesmo centro. // O inspector naval que enviou a capitanía marítima ao Prestige acusa á tripulación do petroleiro de sabotar a máquina. 13/12/12

Ceos anubrados con chuvias, durante a mañá na metade Oeste e pola tarde máis xeneralizadas, alcanzando intensidade moderada en Pontevedra e Sur da Coruña. Vento do Sueste, forte no litoral e zonas altas do interior e moderado no resto. Durante a noite e madrugada do venres, ventos moi fortes en toda a comunidade. Temperaturas en ascenso, entre lixeiro e moderado, particularmente no caso dos valores mínimos. 13/12/12

Sen incidentes está transcorrendo esta primeira xornada de folga das ambulancias en Galicia. Os servizos mínimos son do cen por cen nas urxencias. Os traballadores piden a continuidade da negociación do convenio galego e rexeitan o estatal. // Ás doce desta noite volverán circular con normalidade os autobuses urbanos de Vigo. A empresa concesionaria, Vitrasa, e os representantes dos traballadores chegaron a un principio de acordo na negociación do seu convenio que apraza, mentres seguen os contactos, a folga indefinida. // Xuíces, fiscais, avogados, procuradores e funcionarios únense para protestar contra a Lei de Taxas xudiciais. Unha imaxe que se repetiu diante dos xulgados de toda España. Piden que o goberno de marcha atrás na reforma e negocie as novas medidas cos profesionais da xustiza. 12/12/12

O Madrid trouxo a Vigo a todas as súas figuras para enfrontarse en oitavos da Copa a un Celta ao que semella terlle respecto. Balaídos vai vivir o primeiro cheo desde o ascenso. // Sen incidentes está transcorrendo esta primeira xornada de folga das ambulancias en Galicia. Os servizos mínimos son do cen por cen nas urxencias. // As doce desta noite volverán circular con normalidade os autobuses urbanos de Vigo. A empresa concesionaria, Vitrasa, e os representantes dos traballadores chegaron a un principio de acordo. // Xuíces, fiscais, avogados, procuradores e funcionarios uníronse hoxe para protestar contra a Lei de Taxas xudiciais. // A Xunta distingue a seis mancomunidades ou agrupacións de concellos de Galicia por compartir servizos como os de protección civil, recollida do lixo ou de aforro enerxético. 12/12/12

O Madrid trouxo a Vigo a todas as súas figuras para enfrontarse en oitavos da Copa ao Celta. // Sen incidentes está transcorrendo esta primeira xornada de folga das ambulancias en Galicia. // As doce desta noite volverán circular con normalidade os autobuses urbanos de Vigo. // Os profesionais da xustiza uníronse hoxe para protestar contra a Lei de Taxas xudiciais. // A Xunta distingue a seis mancomunidades ou agrupacións de concellos de Galicia por compartir servizos. 12/12/12

Incremento progresivo de nubes, con chuvias que irán entrando polo Oeste a partir do mediodía e que cara á noite chegarán ás zonas altas de Lugo e Ourense, onde serán de neve por enriba dos 1.200 metros. Vento frouxo de compoñente Sur, con intervalos moderados no litoral atlántico, tendendo a incrementarse nas últimas horas da xornada, cando se rexistrarán momentos fortes no Oeste de A Coruña. Temperaturas mínimas en ascenso entre lixeiro e moderado, mentres que as máximas seguen sen cambios. Xeadas no interior, pero menos importantes que en xornadas anteriores. 12/12/12

Volve o xuízo do Prestige. Esta mañá retomouse a vista coa declaración do que era xefe de coordinación de Salvamento Marítimo en fisterra en 2002. José Pose dixo que ter afastado o petroleiro da costa dificultou os labores de rescate. // España tentará no consello de Pesca da Unión Europea frear a proposta da Comisión de reducir en torno o 30% os topes máximos de capturas. // Unha concelleira socialista de Cedeira que usa cadeira de rodas reclama ocupar o lugar que lle corresponde no Salón de Plenos municipal. // Empregados municipais de Pontevedra comparten a súa 'extra' cos necesitados. // Todo preparado en Vigo para a cita de Copa de mañá contra o Real Madrid. // Os doces dos conventos, nunha feira en Vigo. 11/12/12