Telexornal-Galicia

Galicia foi a comunidade na que máis subiu o paro en decembro. Medrou en 2.250 persoas. Acabou o ano con 278.700 desempregados. // Paradores da marcha atrás no peche total dos seus establecementos en Ferrol e Verín. A dirección do grupo hoteleiro e os sindicatos chegaron de madrugada a un acordo que tamén rebaixa á metade os despedimentos previstos. // Sae de Ferrol cara Australia o buque Cantabria. Vai estar ao servizo da armada australiana durante case todo o ano, para aforrar os gastos que suporía telo en activo en España. // A Xunta rescindirá as concesións das estacións de autobuses que non estean adecuadamente atendidas. // A Consellería de Sanidade pon en marcha en Santiago un programa piloto para facilitar a comunicación dos pacientes con discapacidade auditiva cos profesionais da saúde. // Cabaliños de mar: Científicos de Vigo logran que sobrevivan nun 80 % en catividade. (03/01/13)

Galicia foi a comunidade na que máis subiu o paro en decembro. // Paradores da marcha atrás no peche total dos seus establecementos en Ferrol e Verín. // Sae de Ferrol cara Australia o buque Cantabria. Vai estar ao servizo da armada australiana durante case todo o ano. // A Xunta rescindirá as concesións das estacións de autobuses que non estean ben atendidas. // A Consellería de Sanidade pon en marcha en Santiago un programa piloto para facilitar a comunicación dos xordos cos profesionais da saúde. // Cabaliños de mar en catividade. (03/01/13)

Ceo moi despexado, con intervalos de nubes altas no Norte e Oeste da comunidade. Vento do Leste, frouxo en xeral, con intervalos de moderado no extremo Norte. Temperaturas en lixeiro ascenso, quedando as máximas en valores altos para a época do ano. (03801/13)

Moitos comercios de Galicia están xa de rebaixas, tentando compensar, en parte, coas vendas de Reis, unha temporada que foi moi frouxa para o sector. Estímase que os galegos imos gastar neste período de ofertas de xaneiro, unha media de 75 euros, un dez por cento menos que nas do ano pasado. // Os Reis Magos tamén falan galego. A Consellería de Cultura edita un libro ilustrado, no que colaboran 26 escritoras, e que vai axudar ás súas maxestades a facer na nosa lingua os seus discursos. // Ismael Santos vai tentar ser o primeiro español en escalar os 82 cumios de máis de 4.000 metros que teñen os Alpes cun fin solidario: buscar cartos para investigar unha vacina contra unha enfermidade mortal que en España sofren 70 nenos. 02/01/13

Moitos comercios de Galicia están xa de rebaixas, tentando compensar, en parte, coas vendas de Reis, unha temporada que foi moi frouxa para o sector. Estímase que os galegos imos gastar neste período de ofertas, unha media de 75 euros. // Pecha 2012 con 117 falecidos en accidentes de tráfico nas estradas de Galicia. Seguen sendo moitos, pero son 27 menos que o ano anterior. // Morre unha muller de 48 anos, tres bombeiros resultan feridos por queimaduras febles, e houbo que desaloxar a decenas de familias. Foi o resultado dun incendio que se declarou onte nun edificio en Vigo. // Os Reis Magos tamén falan galego. Un libro vai axudar ás súas maxestades a facer na nosa lingua os seus discursos. // Ismael Santos: O reto solidario de escalar 82 cumios dos Alpes de máis de 4.000 metros. 02/01/13

Néboas no interior e ceos con nubes e claros no Norte. Pola tarde, predominio de ceos moi abertos. Ventos frouxos do norte e nordés. Temperaturas mínimas en descenso lixeiro ou localmente moderado, con xeadas débiles no interior. Máximas sen cambios significativos. 02/01/13

Moitos comercios de Galicia están xa de rebaixas. O galegos imos gastar neste período de ofertas, unha media de 75 euros. // Pecha 2012 con 117 falecidos en accidentes de tráfico nas estradas de Galicia. // Morre unha muller de 48 anos nun incendio nun edificio en Vigo. // Un libro vai axudar aos Reis Magos a facer os seus discursos en galego. // Ismael Santos: O reto de escalar 82 cumios dos Alpes de máis de 4.000 metros. 02/01/13

Caeu ao baleiro, desde uns quince metros, mentres os seus país estaban ceando. A policía investiga as circunstancias do accidente no que perdeu a vida unha nena de nove anos, onte á noite, nun centro comercial de Santiago. // É xa unha tradición en Vilagarcía. Alí tomaron as uvas ás doce do mediodía, aínda que seguramente todos repetirán pola noite. As uvas son uns dos produtos que hoxe disparan o seu prezo. Nos mariscos, os que van máis caros son os camaróns, os percebes e as cigalas. // É Domingos Paciencia, o novo adestrador do Deportivo. Asegura que está convencido de que pode sacar o equipo dos postos de descenso. Substitúe a Oltra, que esta mañá se despediu sorprendido polas palabras coas que Lendoiro xustificou o seu cesamento. 31/12/12

Caeu ao baleiro, desde uns quince metros, mentres os seus país estaban ceando. A policía investiga as circunstancias do accidente no que perdeu a vida unha nena de nove anos, onte á noite, nun centro comercial recén aberto en Santiago. // Discurso de fin de ano do presidente da Xunta. Alberto Núñez Feijóo, reelixido o pasado 21 de outubro para outros catro anos, tense manifestado sobre as posibilidades de Galicia para saír da crise antes ca outras comunidades. // É xa unha tradición en Vilagarcía. Alí xa tomaron as uvas, ás doce do mediodía, aínda que seguramente todos repetirán pola noite. // Beben máis cantidade os mozos, pero as mozas fano de xeito máis compulsivo. É a conclusión dun estudo da Universidade de Vigo sobre os hábitos de consumo de bebidas alcólicas dos universitarios. // Oltra despídese do Deportivo sorprendido polas palabras de Lendoiro para xustificar a destitución. // Verónica Boquete ocupa o seu tempo en Santiago organizando un campus de fútbol. 31/12/12

A policía investiga as circunstancias do accidente no que perdeu a vida unha nena de nove anos nun centro comercial en Santiago. // Discurso de fin de ano do presidente da Xunta. Alberto Núñez Feijóo. // En Vilagarcía xa tomaron as uvas ás doce do mediodía. // Beben máis cantidade os mozos, pero as mozas fano de xeito máis compulsivo, segundo un estudo da Universidade de Vigo. // Oltra despídese do Deportivo. // Verónica Boquete ocupa o seu tempo en Santiago organizando un campus de fútbol. 31/12/12

Ceos moi anubrados, con ventos entre moderados e fortes, e con precipitacións que irán avanzando dende o oeste ao leste ao longo da xornada, para dar paso a unha xornada de ano novo con apertura de claros e precipitacións remitindo. Temperaturas mínimas en lixeiro ascenso e máximas sen cambios significativos. 31/12/12

Comeza a tramitación parlamentaria dos orzamentos de Galicia para 2013. Case 8.500 millóns de euros, 222 menos que os deste ano, que se traducen en recortes para todas as consellerías agás a de Facenda. O 77 por cento dos cartos son para gasto social. Aínda así sanidade vai contar con 90 millóns menos e educación reduce en 50 os seus recursos. // Espállanse as protestas dos afectados polas participacións preferentes. Hoxe están ocupando de xeito simbólico o concello de Pontevedra. // A crise e a precaución tras a traxedia do Madrid Arena reducen a case a metade as festas de fin de ano que se van celebrar en Galicia. Aínda así, os empresarios calculan que se farán entre 600 e 800. (28/12/12)

Comeza a tramitación parlamentaria dos orzamentos de Galicia para 2013. Case 8.500 millóns de euros, 222 menos que os deste ano, que se traducen en recortes para todas as consellerías agás a de Facenda. // Espállanse as protestas dos afectados polas participacións preferentes. Hoxe están ocupando de xeito simbólico o concello de Pontevedra. // A crise e a precaución tras a traxedia do Madrid Arena reducen a case a metade as festas de fin de ano que se van celebrar en Galicia. Aínda así, os empresarios calculan que se farán entre 600 e 800. // Galicia segue perdendo poboación. Case catorce mil habitantes no dous mil once e as previsións do Instituto Galego de Estatística estiman unha redución do cinco por cento durante a próxima década. // As redeiras piden formación, para que este oficio artesanal siga vivo no tempo. (28/12/12)

Ceos pouco anubrados ou alternando nubes e claros, con posibilidade dalgunha chuvia no litoral oeste durante a madrugada e as primeiras horas. Ventos do sur, fortes no litoral e nas zonas altas do interior e moderados no resto, intensificándose durante a tarde. Temperaturas mínimas sen cambios significativos ou en lixeiro descenso, e máximas en lixeiro ascenso. (28/12/12)

Comeza a tramitación parlamentaria dos orzamentos de Galicia para 2013. // Espállanse as protestas dos afectados polas participacións preferentes. // A crise e a precaución tras a traxedia do Madrid Arena reducen a case a metade as festas de fin de ano. // Galicia segue perdendo poboación. // As redeiras piden formación, para que este oficio artesanal siga vivo. (28/12/12)

8.479 millóns de euros. O Goberno galego acaba de aprobar inicialmente para o ano que vén os orzamentos autonómicos máis baixos desde 2006. O 77 por cento dedícase ao gasto social. Segundo o presidente da Xunta recórtase en gasto corrente o dobre que en investimentos. // Novagalicia Banco terá un capital social de algo menos de 1.500 millóns de euros tras a reestruturación, e perderán a súa participación nel tanto a caixa de aforros coma os investidores privados. As quitas que se van aplicar aos titulares de participacións preferentes decidiranse nos próximos tres meses. // Luz Casal entrega 43.000 euros á Asociación contra o Cancro de Galicia, a recadación do festival que a cantante organizou en Boimorto. Luz Casal confesa que este certame é un soño feito realidade e anunciou que continuará no tempo, sempre con fins benéficos. (27/12/12)

Ceos moi anubrados e chuvias, persistentes na metade oeste e máis ocasionais no resto. Ventos do sueste, moderados pola mañá, con intervalos fortes no litoral norte, e máis frouxos durante a tarde. Temperaturas en ascenso, moderado nas mínimas e lixeiro nas máximas. (27/12/12)

Algo menos de 8.500 millóns de euros. O Goberno galego acaba de aprobar inicialmente os orzamentos autonómicos para o ano que vén. // Novagalicia Banco terá un capital social de algo menos de 1.500 millóns de euros tras a reestruturación. // O Ministerio de Fomento e a concesionaria da AP-9 pactan, sen concretar data, descontos no tramo da autoestrada entre Pontevedra e Vigo. // Luz Casal entrega 43.000 euros á Asociación contra o Cancro de Galicia. // Unha familia moi numerosa: Esperan o seu fillo número once e aínda non saben se será o derradeiro. (27/12/12)

Algo menos de 8.500 millóns de euros. O Goberno galego acaba de aprobar inicialmente uns orzamentos autonómicos para o ano que vén moi contidos e dedicados nun 77 por cento ao gasto social. // Novagalicia Banco terá un capital social de algo menos de 1.500 millóns de euros tras a reestruturación e perderán a súa participación nel tanto a caixa de aforros coma os investidores privados. // O Ministerio de Fomento e a concesionaria da AP-9 pactan, sen concretar data, descontos para os usuarios habituais no tramo da autoestrada entre Pontevedra e Vigo. // Luz Casal entrega 43.000 euros á Asociación contra o Cancro de Galicia, que é a recadación do festival que a cantante organizou en Boimorto en setembro. // Unha familia moi numerosa: Son os Cuadrado, viven en Ferrol, esperan o seu fillo número once, e aínda non saben se será o derradeiro. En Galicia viven hoxe case vinte mil familias numerosas. (27/12/12)

O Parque Nacional das Illas Atlánticas estrea ¿casa na cidade¿. Situada no Casco Vello de Vigo, quere ser antesala da visita a Cíes, Ons, Cortegada ou Sálvora. Unha maneira de que os visitantes as coñezan mellor para aproveitar máis a súa estancia nelas e tamén para organizar actividades relacionadas co medio ambiente. // A figura do neno Xesús volve ao belén da praza do Obradoiro, en Santiago. Desaparecera o sábado. Un colectivo denominado "Fartas" reivindicou en internet o seu secuestro simbólico para chamar a atención sobre os desafiuzamentos . Esta madrugada, tamén na rede, anunciaban a "liberación" da imaxe do neno, que agora xa está de novo no seu lugar. // Novagalicia Banco traspasa case 5.100 millóns de euros en activos inmobiliarios ao SAREB, o coñecido como banco malo. A cambio, vai recibir renda fixa coa garantía do Estado. (26/12/12)