Telexornal-Galicia

O presidente da Xunta e os conselleiros declaran en conxunto un patrimonio de 1,6 millóns de euros. Quen máis di ter é Feijóo, dono de bens por valor de 577.000 euros, un 12 por cento máis que hai dous anos. Agárdase que tamén hoxe se fagan públicas as rendas dos membros do Goberno galego. // Segue o amarre da flota do litoral en Galicia, en protesta pola escaseza de cota e o exceso de burocracia no sector pesqueiro. Este paro non se está notando nos mercados porque hai outras flotas que continúan traballando e fornecendo de peixe ás lonxas. // Zumes e batidos naturais, para previr o uso e abuso do alcol. A Unidade de drogodependencias de Vilagarcía organiza obradoiros de bebidas saudables para concienciar aos escolares sobre os riscos do alcol. Están dirixidos aos alumnos de 10 anos, porque a media do inicio do consumo, está nos 13. (22/02/13)

Intervalos nubrados e chuvascos, ocasionalmente fortes, de carácter tormentoso e con sarabia, que serán de neve por enriba dos 1.200 metros. Pola noite, a borrasca desprazarase cara ao Leste, o que favorecerá a entrada de aire moi frío do Norte que fará que a cota de neve descenda ata os 500 metros, aínda que as precipitacións serán escasas e moi localizadas no Norte e Leste da comunidade. O vento irá cambiando de dirección co paso da borrasca, sendo do Sueste a primeira hora e virando a Nordés á noite, cando soprarán moderados, con momentos fortes no litoral. Temperaturas en descenso entre lixeiro e moderado. (22/02/13)

Alerta no mar, no litoral das provincias da Coruña e Pontevedra, como anticipo a un cambio de tempo que nos vai deixar unha fin de semana moi fría. // O presidente da Xunta e os conselleiros declaran en conxunto un patrimonio de 1,6 millóns de euros. Quen máis di ter é Feijóo, dono de bens por valor de 577.000 euros. // Segundo día de amarre da flota do litoral en Galicia. Os principais motivos da protesta son a escaseza de cota e o exceso de burocracia. // Zumes e batidos naturais, para previr o uso e abuso do alcol. A Unidade de drogodependencias de Vilagarcía organiza obradoiros de bebidas saudables, para concienciar aos escolares sobre os riscos do alcol. // Xornada de estreas nos equipos galegos de Primeira. // Toda a oferta turística galega móstrase esta fin de semana na Feira Internacional de Galicia, en Silleda. (22/02/13)

Un cambio de tempo nos vai deixar unha fin de semana moi fría. // O presidente da Xunta e os conselleiros declaran en conxunto un patrimonio de 1,6 millóns de euros. // Segundo día de amarre da flota do litoral en Galicia. // Obradoiros para concienciar aos escolares sobre os riscos do alcol. // Xornada de estreas nos equipos galegos de Primeira. // Toda a oferta turística galega, en Silleda. (22/02/13)

A flota pesqueira do litoral de Galicia permanece amarrada en protesta pola difícil situación que, din os patróns e os armadores, está atravesando o sector. Quéixanse da escaseza de cotas de pesca que a Unión Europea lle asigna á flota española no caladoiro do Cantábrico e critican a excesiva burocracia na pesca. // A Xunta convoca unha oferta de emprego de 222 prazas en educación. 22 para inspectores e o resto para mestres. O goberno galego tamén valorou hoxe a rebaixa do absentismo laboral entre os seus empregados públicos que permitiu aforrar 26 millóns de euros só durante o ano pasado. // Un artista que nos deixa. O coruñes Jorge Peteiro será enterrado esta tarde. Quédanos unha abandosa obra na que destacan as súas singulares paisaxes, sempre cheas de cor e rebosantes de optimismo. Un estilo fácilmente recoñecible que foi a súa seña de identidade. 21/02/13

A flota pesqueira do litoral de Galicia permanece amarrada en protesta pola difícil situación que, din os patróns e os armadores, está atravesando o sector. // O presidente do Goberno comprométese a denunciar o acordo pesqueiro entre a Unión Europea e Mauritania se se mantén nos termos nos que está hoxe. // Rajoy tamén anunciou no debate do estado da nación a reforma do IVE para os autónomos, que evitará que teñan que pagar o imposto mentres non cobren a factura correspondente. // O goberno galego felicita aos empregados públicos por reducir as ausencias no posto de traballo, que supuxo un aforro de 26 millóns euros durante o ano pasado. // Rouban 14 becerros nunha granxa de Xinzo de Limia, en Ourense, valorados en 14.000 euros. // Lembraremos a obra de Jorge Peteiro, un artista que nos acaba de deixar. 21/02/13

Protesta da flota pesqueira do litoral de Galicia. // Rajoy di que denunciará o acordo pesqueiro entre a Unión Europea e Mauritania se non se cambia. // Rajoy tamén anunciou a reforma do IVE para os autónomos. // O goberno galego felicita aos empregados públicos por reducir as ausencias no posto de traballo. // Rouban 14 becerros nunha granxa de Xinzo de Limia. // Jorge Peteiro. 21/02/13

Intervalos nubrados e chuvascos, máis probables no Sur e no Oeste. Pola tarde, nubes en aumento e precipitacións xeneralizadas, de máis intensidade na metade Oeste, onde poden ter carácter tormentoso. Ventos moderados de compoñente Sur. Temperaturas mínimas en ascenso entre lixeiro e moderado e máximas sen cambios significativos. 21/02/13

Os proxectos de investigación tecnolóxica para mellorar a competitividade das nosas empresas van contar con setenta e cinco millóns de euros correspondentes ao programa INTERCONECTA 2. Unha aportación que vai ser publicada no BOE esta mesma semana. // A praia das Catedrais da Mariña foi recoñecida coma a sexta mellor do mundo pola páxina web especializada en viaxes TRIPADVISOR. Unha clasificación que coloca ao areal lucense coma o mellor de España. A mesma páxina considera que o areal da Lanzada é o sexto mellor do Estado. 20/02/13

Salas de xuízos baleiras, mentres xuíces, fiscais, procuradores e outros traballadores da xustiza concéntranse na rúa contra a lei de taxas xudiciais e outras medidas que consideran que limitan o acceso á xustiza. // O presidente da Xunta anuncia que esta semana o BOE vai publicar un novo plan dotado con 70 millóns de euros para promover a innovación e a investigación. // Mañá abre o prazo dun mes para solicitar praza nas escolas infantís da Xunta para o próximo curso. En setembro van entrar en servizo catrocentas prazas novas nestas garderías públicas. // Desaloxan un edificio do casco histórico de Lugo por risco de derrubamento, ó ter a súa deteriorada, segundo os técnicos municipais. // Un estudo realizado polo Centro de Investigacións Forestais de Lourizán permitirá aos produtores de castaña identificar as variedades mais produtivas. // Os deseñadores galegos na Mercedes Fashion week de Madrid. 20/02/13

Folga na Administración de Xustiza contra a lei de taxas xudiciais. // O presidente da Xunta anuncia 70 millóns de euros para promover a innovación e a investigación. // Mañá abre o prazo para solicitar praza nas escolas infantís da Xunta. // Desaloxan un edificio do casco histórico de Lugo por risco de derrubamento. // Un estudo para identificar as variedades de castaña máis produtivas. // Os galegos na Fashion week de Madrid.

Nubes en toda Galicia á espera dunha fronte que chega pola noite. Pola tarde pode comezar algunha chuvia moi débil, illada e ocasional, sendo xeneralizadas pola noite. Ventos frouxos de compoñente Sur en xeral. No litoral atlántico aumentarán a moderados durante a tarde e serán fortes durante a noite. 20/02/13

A flota galega queda excluída da renegociación do acordo pesqueiro entre a Unión Europea e Mauritania, que se desenvolve desde hoxe en París. Os mariñeiros pensan a decisión non responde a criterios científicos, pois os últimos informes din que a situación do caladoiro é mellor do que asegura Mauritania. // Cos puríns dun cento de vacas pódese fornecer de enerxía eléctrica a unhas vinte vivendas. Hoxe inaugurouse en Lalín unha planta piloto de biogás, para comprobar a súa viabilidade nas explotacións gandeiras galegas. Con ela tamén se reducen os problemas medioambientais do vertido dos puríns á terra. // Médicos e pacientes con melanoma piden que se fagan máis campañas de concienciación e máis eficaces, xa que protexéndonos adecuadamente do sol poderíanse evitar moitos casos desta enfermidade. En Galicia diagnostícanse cada ano case 300 casos de melanoma. 19/02/13

A flota galega queda excluída da renegociación do acordo pesqueiro entre a Unión Europea e Mauritania, que se desenvolve desde hoxe en París. // Cos puríns dun cento de vacas pódese fornecer de enerxía eléctrica a unhas vinte vivendas. É o que demostra esta planta piloto de biogás, inaugurada hoxe en Lalín. // Un instituto de Santiago pon en marcha o primeiro programa de Formación Profesional Dual na nosa comunidade . Este sistema compaxina a formación teórica cun contrato de aprendizaxe nunha empresa. // En Galicia diagnostícanse cada ano case 300 casos de melanoma, que é o cancro de pel máis mortal en fases avanzadas. // Abel Resino preséntase como novo adestrador do Celta. Vén con contrato para o que resta de temporada e unha máis. 19/02/13

A flota galega queda excluída da renegociación do acordo pesqueiro entre a Unión Europea e Mauritania. // Cos puríns dun cento de vacas pódese fornecer de enerxía eléctrica a unhas vinte vivendas. // Bota a andar a Formación Profesional Dual. // En Galicia diagnostícanse cada ano case 300 casos de melanoma. // Abel Resino preséntase como novo adestrador do Celta. 19/02/13

Nubes en toda Galicia, máis compactas na metade Sur, con chuvascos máis probables na provincia de Ourense e Sur da de Lugo. Ventos frouxos de compoñente Leste. Temperaturas sen cambios significativos. 19/02/13

Enfrontamentos entre a policia e un grupo de persoas que tentaban impedir o desafiuzamento dunha anciá de 85 anos. A muller ten a vivenda alugada. Acúsana de non pagar a renda do mes de marzo pasado, pero ela asegura que xa se puxo ao día. // O Concelleiro de Seguridade de Santiago, Albino Vázquez, presenta formalmente a súa demisión, tras quedar en liberdade baixo fianza no marco da operación Manga. Esta imputado por suborno, revelación de información privilexiada e tráfico de influencias. // Investigadores da Universidade de Vigo lanza un globo estratosférico para comprobar como responden a trinta kilómetros de altura as pezas e sistemas que se instalarán en pequenos satélites. Este grupo de investigación traballa nun proxecto das Nacions Unidas. 18/02/13

Unhas 200 persoas impiden, polo de agora, o desafuizamento dunha anciá de 85 anos do piso no que vive, na Coruña. A muller ten a vivenda alugada. // O Concelleiro de Seguridade de Santiago, Albino Vázquez, presenta formalmente a súa demisión, tras quedar en liberdade baixo fianza no marco da operación Manga. // A CIG presentou máis de dez mil sinaturas de profesores contra o proxecto de lei de reforma educativa do Ministerio ao que acusan de perxudicar á educación pública e ao ensino do idioma galego. // Investigadores da Universidade de Vigo lanza un globo estratosférico para comprobar como responden a trinta kilómetros de altura pezas e sistemas que se instalarán en pequenos satélites. // Paco Herrera parece ter as horas contadas no Celta. A falta de confirmación ofical, o presidente e o director deportivo do Club estaría negociando en Madrid substituilo por Abel Resino. 18/02/13

Ceos parcialmente anubrados, con claros parciais no leste da comunidade. As nubes poden deixar algunha chuvia débil no litoral de Pontevedra e A Coruña. Temperaturas mínimas sen cambios e máximas en ascenso. Ventos de compoñente sur durante o día, que tenden a ir diminuíndo de intensidade. 18/02/13

Unhas 200 persoas impiden, polo de agora, o desafuizamento dunha anciá de 85 anos na Coruña. // O Concelleiro de Santiago, Albino Vázquez, presenta formalmente a súa demisión. // A CIG presentou máis de dez mil sinaturas de profesores contra o proxecto de lei de reforma educativa. // Investigadores da Universidade de Vigo proban a resistencia de pezas e sistemas que se instalarán en pequenos satélites. // Paco Herrera, coas horas contadas no Celta. 18/02/13