Galicia

Máis de 10.000 estudantes galegos inician as probas de Selectividade con textos sobre o libro electrónico e a afección ó fútbol. Os veciños de Ponteareas temen que a folga na recollida de lixo ensobreza ás festas do Corpus.Armadores de Burela prevén capturar 1.700 toneladas de bonito na costeira, que arranca mañá.A Fundación Félix Rodríguez de la Fuente presenta en Galicia unha iniciativa para preserva-las razas gandeiras e variedades vexetais.O municipio de Bande decreta dous días de loito pola morte dun edil en accidente de tráfico. O concello de Santiago esíxelle 1.600 euros en taxas a dúas asociacións que promoven un ciclo de cine na rúa.

A paraxe galega declarada máis recentemente Monumento Natural acollía esta mañá o acto de celebración da Xunta do Día Mundial do Medio Ambiente. Trátase dunha montaña entre Quiroga e Folgoso do Courel, que ten 350 millóns de anos de antigüidade. //Os incendios e a proliferación de especies invasoras son os principais problemas medioambientais de Galicia, segun denuncia o colexio de Biólogos. A Xunta considera que a nova lei de Montes axudará a erradicalas mentres os ecoloxistas reclaman máis cambios legais.// En Vigo comenzou o xuizo contra unha nai que educa ao seu fillo de dez anos na casa. A fiscal pide unha pena de sete meses de multa por un delicto de abandono de familia.// Os hospitais galegos necesitan 40.000 doazóns de sangue para afrontar as necesidades do verán. A conselleira de sanidade fixo hoxe un chamamento aos cidadáns para que fagan este xesto altruista tamén nas vacacións, cando sobe a demanda polos accidentes de tráfico. (05/06/12)

Muda o tempo e notámolo xa dende primeira hora. Ceos grises con moitas nubes e con chuvias moi débiles que comezaban a caer sobre todo no litoral atlántico. Orballos como os que grababamos na Coruña que sorprendían a algúns. As temperaturas tamén han ser hoxe algo máis baixas, en torno os 22-23 graos. (05/06/12)

O último lugar que foi declarado Monumento Natural de Galicia acolleu hoxe o acto central de celebración do Día do Medio Ambiente. E unha montaña de Quiroga, en Lugo, que se formou hai 350 millóns de anos. // Comenza en Vigo o xuízo contra unha nai acusada de non escolarizar ó seu fillo. Ela di que o educa persoalmente na casa.// Sanidade fai un chamamento para conseguir ata 40.000 doazóns de sangue durante os meses de verán.// ¿Aficiones peligrosas¿ una novela inédita de Emilia Pardo Bazán, escrita cuando tenía solo 13 años. (05/06/12)

O director de Mobilidade da Xunta garante a viabilidade dos aeroportos de Santiago,Vigo e A Coruña.Miguel Rodríguez Bugarín propón fuxir de localismos e coordena-la oferta de voos.O sector ferroviario galego mobilízase en contra do plan de privatización de RENFE.Os sindicatos agrarios expoñen ó presidente da Xunta a súa proposta de establecer un prezo de referenza para o leite en orixe.Preséntase un libro sobre os "seis poemas galegos de Lorca"

A Rianxeira soará de novo en Primeira. Cinco anos despois o Celta dí adeus o inferno da Segunda División. Balaídos vivíu uha das súas noites máxicas e pasada a media noite, festa na Praza de América. //O Club Deportivo Lugo pode ocupar un dos ocos deixados na Segunda División por Celta e Deportivo, logo de gañarlle por tres goles a un ao Atlétic Balears. // O Presidente da Deputación de Ourense, Xosé Manuel Baltar, propón que os titulares destes organismos provinciais sexan elexidos directamente polos votantes e ampliar as súas competencias. //O mes de maio remata en Galicia con 1.036 parados menos que en abril. O descenso nótase sobre todo na construción, na industria e no colectivo das persoas sen un emprego anterior. // Nace unha plataforma tecnolóxica de investigación biomédica que desenvolverá patentes para novos medicamentos. (04/06/12)

O Celta dixo adeus á segunda división, cinco anos despois, cunha gran festa que sigue hoxe.// O Lugo podería tomar o relevo dos equipos galegos na Segunda División.//Xosé Manuel Baltar propón que os votantes elixan directamente ós presidentes das Deputacións provinciáis. //O paro descende en 1.000 persoas no mes de maio en Galicia.//Dos departamentos punteiros de Galicia presentan unha plataforma para investigar novos fármacos xenómicos. (04/06/12)

Comezamos semana con sol e temperaturas agradables, pero cara a tarde e mañá chegan cambios. As temperaturas máximas estarán comprendidas entre os 19 graos de Viveiro e Ribadeo e os 29 de Ourense. As mínimas oscilarán entre os 7 graos de Pedrafita e os 14 de A Coruña. Aumento progresivo na nubosidade e risco de chubascos que se intensificarán na xornada de mañá, sobre todo na costa. (04/06/12)

O desemprego baixou no mes de maio en Galicia,pero menos que o ano pasado.A Xunta admite que non se pode baixala garda,mentres que o PSdG salienta que o descenso é inferior á media estatal.O BNG di que é consecuencia dos recortes.O conselleiro de Industria realiza xestións en Bruxelas en relación co conflito das preferentes.O presidente da Deputación de Ourense,Manuel Baltar, propón a elección directa en urna dos entes provinciais.Arquivada a denuncia contra altos cargos da Xunta por inspeccións en sedes de Unions Agrarias.Catro vítimas mortais nas estradas galegas no que vai de mes.Os xogadores do Celta de Vigo celebran o ascenso a primeira cun percorrido en autobús convertible pola rúas céntricas da cidade

O primeiro fiscal delegado de Seguridade Vial para Galicia, Carlos Gil, é o protagonista da "entrevista do domingo" en RNE-G. Carlos Gil advirte do repunte dos atropelos en cidade, sobre todo, nos pasos de peóns.

A interventora xeral da Xunta admite que Galicia pecgou o exercicio de 2011 a finais de setembro para cumprir co obxectivo de estabilidade.O deirector xeral de administración local, Norberto Uzal,advirte de que hai varios municipios preto da suspensión de pagamentos e con serias dificultades para prestar servizos ou pagar nóminas.Rapaces de varios colexios galegos convírtense en deputados por un día a partir da iniciativa "Os valores desde Aldeas Infantís"

Comeza xuño con calor, que mesmo levou a activar a alerta por altas temperaturas nalgunhas zonas de Ourense e sur de Lugo. // A liña de baixo custe de Iberia comeza a voar de Santiago a Madrid, en dúas frecuencias diarias. // Sete empresas tecnolóxicas galegas lideradas pola operadora de telecomunicacións R van poñer en marcha o Fogar Dixital Asistencial. // O Concello ourensán de Amoeiro, gobernado polo PSOE, reclámalle á Igrexa 4.300 euros en concepto de IBI por unha trintena de fincas da súa propiedade. // Vigo prepárase para celebrar o domingo a volta do Celta á Primeira. 01/06/12

Comeza xuño con calor, que mesmo levou a activar a alerta por altas temperaturas nalgunhas zonas de Ourense e sur de Lugo. // Iberia Express comeza a voar entre Santiago a Madrid. // Sete empresas tecnolóxicas galegas van poñer en marcha o Fogar Dixital Asistencial. // O Concello ourensán de Amoeiro reclámalle á Igrexa 4.300 euros en concepto de IBI. // Vigo prepárase para celebrar o ascenso do Celta. 01/06/12

A primeiras horas, intervalos de nubes medias e altas. Irán crecendo nubes de evolución que cara á tarde deixarán chuvascos de carácter localmente tormentoso, máis probables no interior. Vento frouxo de compoñente Leste no extremo Norte de Galicia e de dirección variable no resto. Temperaturas mínimas en moderado ascenso; mentres que as máximas non terán cambios significativos, polo que continuará a intensa sensación térmica de calor. 01/06/12

O presidente da Deputación de Ourense presenta un plan de axuste para aforrar 6 millóns de euros. O alcade de Os Blancos explicará ó pleno cómo pensa facer fronte á débeda do concello.O xuiz que dirixe o proceso concursal de Clesa da vinte días para pecha-la venda da factoría de Caldas.Doce persoas morreron nas estradas galegas en maio, unha máis que no 2011.Visto para sentenza o xuizo contra a coidadora dunha gardeiría viguesa acusada de intoxicar a varios bebés. Graffiteiros de toda España danse cita en Lugo, nunha nova edición do festival "Style Fitghers".Falamos co biólogo compostelán Jesús Agulla,gañador do Premio á Mellor Investigación Xoven Europea sobre o ictus.Vigo e toda Galicia confían en poder celebralo próximo domingo o ascenso do Celta

Alerta por altas temperaturas en Ourense e o sur de Lugo. // A Xunta aprobou hoxe o novo canon da auga. // Cada día morren en Galicia dez persoas por enfermidades vinculadas ao hábito de fumar. // A Universidade de Santiago é a institución que máis patentes xera en Galicia. // As empresas tecnolóxicas e as do sector audiovisual de Galicia alíanse. // Michael Nyman na Coruña. (31/05/12)

Ceos despexados, con algunhas nubes baixas no litoral cantábrico e con posibilidade de que crezan nubes de evolución diúrna no interior, con nubes de estancamento en A Mariña nas primeiras horas. Vento no terzo Norte do Nordés entre frouxo e moderado, con refachos fortes á tarde no litoral Norte de A Coruña. No resto, frouxo de dirección variable, con brisas nas Rías Baixas. Temperaturas en ascenso, lixeiro nas mínimas e entre moderado e notable nas máximas, agás en A Mariña, onde non teñen cambios significativos. (31/05/12)

Tempo de verán, e especialmente caloroso en Ourense e o sur de Lugo. Agárdase que as temperaturas superen hoxe en moito os trinta graos na capital das Burgas. // A Xunta aprobou hoxe o regulamento do canon da auga que igualará o recibo para todos os consumidores, vivan no concello que vivan. // Cada día morren en Galicia dez persoas por enfermidades vinculadas ao hábito de fumar. Hoxe é o día mundial sen Tabaco. // A Universidade de Santiago é a institución que máis patentes xera cada ano en Galicia, entre 25 e 30. // As empresas tecnolóxicas de Galicia e as do sector audiovisual alíanse para afrontar a súa internacionalización. // Michael Nyman na Coruña. (31/05/12)

O ministro de Economía recoñece que as participacións preferentes foron engano e o BNG pidelle que inste á fiscalía a actuar. O concello ourensán de Amoeiro é o primeiro en reclamar o pago da contribución urbana á Igrexa. O concello de Santiago aprobará hoxe unha nova taxa que afectará mesmo ás mesas informativas que ocupen un espazo público.

Radio Nacional de España e o concello de Vigo celebran un acto poético-musical de homenaxe a Valentín Paz Andrade. Despedimos o mes das Letras Galegas coa presentación dun CD con dous programas míticos de RNE adicados ó escritor e empresario vigués. O espectáculo que serve de marco á presentación do documento sonoro inclúe unha suite de oito poemas de Valentín Paz Andrade, musicados por Miguel Ladrón de Guevara. A interpretación corre a cargo de Lino Braxe, actor,escritor e director do proxeto,da actriz Rebeca Montero e de Sabela Paz Andrade,neta do autor homenaxeado. O acto, celebrado no Auditorio Municipal de Vigo, remata coa música de Guillerme Fernández e de Xabier Díaz, dous dos integrantes do grupo Berrogüeto