Telexornal-Galicia

Os novos horarios na Hostalaría entrarán en vigor a partir da medianoite de mañá. A Xunta tamén vai solicitar informes xurídicos e sanitarios para ver a posibilidade de prescindir do uso da máscara nos patios dos colexios. // Unha pancarta, asinada por un grupo anónimo foi atopada hoxe na illa da Palma, na zona onde unha empresa galega de drons tentaba localizar a varios cans atrapados pola lava. Nas últimas horas, a temperatura da colada seca baixou, e -segundo os técnicos- é posible que alguén accedera a pé ata o lugar e levara ós cans. De confirmarse, a empresa galega Aerocámaras daría por rematada a operación. // Admiración no fútbol europeo pola xesta do equipo xuvenil do Deportivo da Coruña, que venceu por 4-0 os polacos do Pogon. O equipo clasíficase para a seguinte ronda da UEFA xuvenil, ao protagonizar unha remontada insólita, tras perder por 3-O, no partido de ida. // 21-10-2021

Vai entrando o vento norte, que trae unha masa de aire máis fría. Así, os ceos alternan nubes e claros, con chuvascos máis probables na metade norte. As temperaturas sofren un moderado descenso respecto aos días pasados, con mínima de 9 graos en Lugo, e máximas por debaixo dos 20 graos en tódalas cidades. 21-10-2021

Os locais de Hostalaría poderán acoller xa o 100 por cen da cabida de clientes, e abrir ata a unha e media da mañá as fins de semana. A Xunta elimina tamén as restricións nas residencias e declara rematado o estado de emerxencia sanitaria. // Galicia e a comunidade coa mellor situación da pandemia, cunha incidencia de 14 casos por 100.000 habitantes, a máis baixa dende agosto de 2020, e cunha taxa de ocupación hospitalaria por debaixo 1%. //.Un can robot con cámara de visión térmica que axuda aos vixilantes nas rondas polo campus da Universidade. É o primeiro exemplo en Europa de uso dunha rede privada 5G aplicada á seguridade. A tecnoloxía foi presentada hoxe en Vigo. // Figuras de xadrez de cristal de rocha, elaboradas en Oriente; unha arqueta de marfil da que apenas hai cinco similares en todo o mundo. Son pezas de valor incalculable que forman parte do Tesouro de San Rosendo, que Científicas do CSIC están a analizar en Ourense. 21-10-2021

Unha empresa de drons de Lalin intenta rescatar os catro cans atrapados entre a lava na illa da Palma.

Parte da operación depende da reacción dos cans, porque deben entrar nunha rede atraidos por un cebo, e logo poder izalos.

O rescate só pode facerse un por un.

Rescatar aos cans atrapados pola lava do volcán da Palma, mediante drons. É unha operación sen precedentes en todo o mundo, que intenta levar a cabo, esta tarde, unha empresa galega. A misión, din, depende da reacción dos propios animais. // O Comité Clínico da Xunta avalía o levantamento das restricións previsto para esta fin de semana, xusto cando os datos rexistran unha Lixeira repunta de casos activos, que ascenden a 438. // O novo Conselleiro de Facenda entrega no Parlamento o proxecto de orzamentos para 2022. Será o máis alto da historia da autonomía, con 11.627 millóns de euros de gasto. Propón unha baixada de impostos de mais de 500 millóns de euros en total. // Triángulo de Amor Bizarro lanza unha versión expandida do tema " No eres tu" en dous formatos: Un maxisingle de vinilo con 17 cortes para escoitar de xeito aleatorio e unha versión moito máis extensa en youtube. Seis horas, seis minutos e seis segundos de video. 20-10-2021

Galicia queda baixo a influencia dunha borrasca situada ao noroeste, polo que se agardan ceos nubosos con chuvias que serán máis frecuentes nas provincias da Coruña e Pontevedra. Ventos con intervalos fortes no litoral, e temperaturas máximas en descenso. 20-10-2021

Os traballadores de Alcoa, esperan movilizados a decisión do Tribunal Supremo sobre o ERE co que a empresa pretendía pechar a planta de Aluminio, en San Cibrao. Confían en que o Alto Tribunal ratifique a sentenza do Superior de Xustiza de Galicia, que o anulou por considerar que a multinacional actuou de mala fe. // Os maiores de 80 anos serán citados a partir do luns para recibir, xunto coa vacina da gripe, a dose de reforzo contra o covid, Sempre que pasaran máis de seis meses dende a segunda dose. // A Caida dun falso teito dun piso de estudantes en Santiago puido acabar en traxedia. Por segundos, as inquilinas decatáronse da derruba e deulles tempo a fuxir. // Unha empresa de drons de Lalin vai intentar rescatar hoxe os catro cans atrapados entre a lava na illa da Palma. Deben entrar nunha rede atraidos por un cebo, e logo poder izalos un por un. 20-10-2021

Os traballadores de Alcoa, esperan movilizados a decisión do Tribunal Supremo sobre o ERE co que a empresa pretendía pechar a planta de Aluminio, en San Cibrao. Confían en que o Alto Tribunal ratifique a sentenza do Superior de Xustiza de Galicia, que o anulou por considerar que a multinacional actuou de mala fe. // Os maiores de 80 anos serán citados a partir do luns para recibir, xunto coa vacina da gripe, a dose de reforzo contra o covid, Sempre que pasaran máis de seis meses dende a segunda dose. // A Caida dun falso teito dun piso de estudantes en Santiago puido acabar en traxedia. Por segundos, as inquilinas decatáronse da derruba e deulles tempo a fuxir. // Unha empresa de drons de Lalin vai intentar rescatar hoxe os catro cans atrapados entre a lava na illa da Palma. Deben entrar nunha rede atraidos por un cebo, e logo poder izalos un por un. 20-10-2021

Dous amigos de Alfoz, con cadansúa explotación apícola, fan dos mellores meles do mundo. Son da nova xeración de apicultores galegos e acadaron a máxima distinción en Galicia e das máis altas a nivel internacional.

Novo revés xudicial para Ence. A Audiencia Nacional acaba de estimar o recurso que presentou a Asociación pola Defensa da Ría de Pontevedra contra a prórroga que concedera á pasteira o anterior goberno do PP. // O tribunal pronúnciase na mesma liña que ante os recursos presentados por Greenpeace e o concello de Pontevedra, tamén estimados Coa tempada da esmelga chegando ao seu fin, todo apunta a que a produción de mel será menor cá do ano pasado. Nós estivemos en Alfoz, onde dous amigos con cadansúa explotación apícola fan dos mellores meles do mundo. Son da nova xeración de apicultores galegos e acadaron a máxima distinción en Galicia e das máis altas a nivel internacional. // Dezaoito anos despois, un libro en galego é recoñecido co Premio Nacional de Narrativa...Desta vez cunha historia, "Virtudes e misterios", sobre a emigración narrada coas vivencias da avoa do autor, o xornalista Xesús Fraga. // 19-10-2021

Nova Xornada hoxe de ceos despexados alternando con nubes, con temperaturas mínimas en leve descenso, pero con máximas máis propias do vran, en pleno outono. Pola tarde aproxímase a Galicia unha nova fronte polo noroeste, que traerá chuvias puntualmente intensas a partir da madrugada. 19-10-2021

Novo veleiro apreixado cun cargamento de droga en augas do Atlántico. Neste caso, máis de cinco toneladas de cocaína. O alixo, descargado xa no porto de Lisboa, é o maior atopado ata agora nunha embarcación deste tipo. Dous narcotraficantes galegos foron detidos na operación. // Os traballadores de Vestas insntifican a suas mobilizacións contra o ERE presentado pola empresa, cunha protesta na que queimaron neumáticos as portas factoría. Piden que a Xunta de faga cargo de buscar un posible comprador. // Máis do 40 por cento das mulleres que padecen Cancro de Mama, perden o traballo logo de ser diagnosticadas. As afectadas alertan da sua vulnerabilidade económica no día mundial desta doenza, da que se rexistraron 2.200 casos en Galicia durante o último ano. // 19-10-2021

Novo veleiro apreixado cun cargamento de droga en augas do Atlántico. Neste caso, máis de cinco toneladas de cocaína. O alixo, descargado xa no porto de Lisboa, é o maior atopado ata agora nunha embarcación deste tipo. Dous narcotraficantes galegos foron detidos na operación. // Os traballadores de Vestas insntifican a suas mobilizacións contra o ERE presentado pola empresa, cunha protesta na que queimaron neumáticos as portas factoría. Piden que a Xunta de faga cargo de buscar un posible comprador. // Máis do 40 por cento das mulleres que padecen Cancro de Mama, perden o traballo logo de ser diagnosticadas. As afectadas alertan da sua vulnerabilidade económica no día mundial desta doenza, da que se rexistraron 2.200 casos en Galicia durante o último ano. // 19-10-2021

Presentan no mercado de abastos de Pontevedra unha campaña para animar comer saudable, sostible, con productos de tempada e da zona.

A Xunta aprobará o próximo xoves o levantamento da emerxencia sanitaria polo covid. Anunciouno o titular do Goberno Autónomo que explicou que o rebaixe das restriccións que aínda persisten entrará en vigor na medianoite do venres ao sábado. // As perruquerías e salóns de estética retoman as protestas para reclamar unha baixada do IVe do 21 ao 10%. As subas da luz e a cota de autónomos poñen contra as cordas, din, a uns negocios que dan emprego a máis de cen mil persoas. // Representantes sindicais e transportistas das Pontes trataron co delegado do goberno do reparto dos 111 millons de euros dos fondos de transición. A central térmica podería reanudar a actividade, dada a escalada do prezo da luz... Polo momento, Endesa ten previsto recibir arredor de 100.000 toneladas nas próximas semanas... 18-10-2021

Néboas e nubes baixas QUe co avance do día quedamos cos ceos pouco nubrados, con intervalos de nubes altas. As temperaturas mínimas experimentaron un moderado ascenso, con valores moi elevados para a época do ano, mentres que as máximas quedarán sen cambios. 18-10-2021

Arranca, cos traballadores dos hospitais, a campaña de vacinación contra a gripe deste ano. O Sergas aspira a que preto de 900.000 galegos queden inmunizados. Os maiores de 70 anos recibirana conxuntamente coa terceira dose contra a Covid. // A Xunta aproba o proxecto de orzamentos para o ano que ven, logo da toma de posesión de Miguel Corgos, como novo conselleiro de Facenda, en sustitución do falecido Valeriano Martínez. As contas superan os 11.000 millóns de euros e prevén novos recortes de impostos. // Planificar a compra e seleccionar alimentos de calidade, e o principal segredo para comer ben. Así o quede difundir unha nova campaña da Cruz Vermella, presentada hoxe, coa colaboración do chef Pepe Solla, en Pontevedra. // A nova derrota, fronte ao Sevilla, devolve ao Celta a rondar os postos de descenso. O adestrador pide apoio da afección para Iago Aspas, que atravesa un momento de crise deportiva. Na Segunda, o Lugo acada o sexto empate da tempada. 18-10-2021

Arranca, cos traballadores dos hospitais, a campaña de vacinación contra a gripe deste ano. O Sergas aspira a que preto de 900.000 galegos queden inmunizados. Os maiores de 70 anos recibirana conxuntamente coa terceira dose contra a Covid. // A Xunta aproba o proxecto de orzamentos para o ano que ven, logo da toma de posesión de Miguel Corgos, como novo conselleiro de Facenda, en sustitución do falecido Valeriano Martínez. As contas superan os 11.000 millóns de euros e prevén novos recortes de impostos. // Planificar a compra e seleccionar alimentos de calidade, e o principal segredo para comer ben. Así o quede difundir unha nova campaña da Cruz Vermella, presentada hoxe, coa colaboración do chef Pepe Solla, en Pontevedra. // A nova derrota, fronte ao Sevilla, devolve ao Celta a rondar os postos de descenso. O adestrador pide apoio da afección para Iago Aspas, que atravesa un momento de crise deportiva. Na Segunda, o Lugo acada o sexto empate da tempada. 18-10-2021

Hai catro anos, en Chandebrito (Nigrán) sufrían algo parecido a un inferno, no medio dunha das peores vagas de incendios que viviu Galicia. Alí morreron dúas mulleres cando tentaban fuxir do lume. En Carballeda de Avia e Vigo faleceron outras dúas persoas.

O lume arrasou grandes zonas de monte, pero tamén queimou casas, negocios e chegou a entrar en zonas urbanas.
Un Telexornal especial lembra aqueles días e comproba se fomos quen de aprender da traxedia.
 

En Chandebrito, á beira de Vigo, hai catro anos, os veciños sofriron algo parecido a un inferno, no medio dunha das peores vagas de incendios que viviu Galicia. Aquí morreron dúas mulleres cando tentaban fuxir do lume. Nos próximos minutos imos lembrar aqueles días de mediados de outubro e comprobar se fomos quen de aprender da traxedia. // A vaga de incendios de outubro de 2017 foi a segunda máis grave que rexistrou Galicia neste século. En todo aquel ano, o lume queimou 62.000 hectáreas de superficie forestal do noso país. O oitenta por cento desa superficie, unhas 50.000 hectáreas, arderon en só tres días de outubro. // Pasaron catro anos e o verde volve medrar na maioría dos terreos que as lapas calcinaron. Noutras zonas, a recuperación vai ser máis difícil. Os científicos salientan a voracidade dos incendios forestais en determinadas situacións climáticas, que cada vez son máis frecuentes.  (15/10/2021)