Ceo parcialmente nubrado, con chuvascos máis probables canto máis ao norte. A cota de neve segue nos 1.000 metros. As temperaturas máximas oscilarán entre os 15 graos previstos en Pontevedra aos 17 da Coruña. 13-04-23
Batalla campal de bateeiros con axentes da policía, en Santiago. Así derivou a nova protesta dos produtores de mexillón diante da sede da Xunta. Os incidentes deixan un saldo de Duas persoas detidas, e feridos catro policías e dous manifestantes, un deles continúa hospitalizado. // Abanca elixiu á compañía acuícola canadense Cooke para venderlle o 80% da súa participación en Nueva Pescanova. // A escritora Dolores Redondo presenta a adaptación sonora dunha das súas obras máis exitosas "Todo isto che darei", gañadora do premio planeta en 2016, ambientada na Ribeira Sacra. 13-04-23
O paso dunha fronte fría asociada a unha borrasca deixa nas primeiras horas chuvias que serán máis intermitentes co avance do día. Destacado descenso de temperaturas, con posibilidade de neve en cotas arredor dos 1.000 metros. No litoral norte hai alerta amarela por ondas de ata cinco metros. 12-04-2023
Mobilizacións fronte aos centros de saúde, no Día da Atención Primaria. Traballadores da sanidade e usuarios reclaman máis medios para o que consideran unha pedra angular do sistema, cun principal reproche, os tempos de agarda. // A UCI dos hospitais galegos, sen pacentes covid, por primeira vez dende xullo de 2020, hai case tres anos. A incidencia da pandemia queda actualmente en 134 pacientes ingresados e 737 casos activos. // Ourense conta cunha nova galería de arte, a primeira no casco vello. É o proxecto persoal dunha parella de artistas que está a cumprir o soño de deixar a hostalería para dedicarse por enteiro a un espazo para a creación alternativo. 12-04-2023
Mobilizacións fronte aos centros de saúde, no Día da Atención Primaria. Traballadores da sanidade e usuarios reclaman máis medios para o que consideran unha pedra angular do sistema, cun principal reproche, os tempos de agarda. // Segunda xornada da folga indefinida convocada pola Confederación de sindicatos médicos, que estima o seguemento nun 60 por cento. A Consellería de Sanidade sitúao no 16 por cento. // Os produtores de mexilón anuncian un paro indefinido para reclamar a reapertura das zonas vetadas á extracción de mexilla. Tras prosperar un recurso das confrarías, a Consellería do Mar volveu pechar algunhas zonas de recollida.. // Os familiares das vítimas do Villa de Pitanxo piden que se axilicen os trámites para inspeccionar o pecio este verán. Hoxe foi inaugurada no Porto de Vigo a oitava placa cos nomes dos tripulantes falecidos. 12-04-2023
A UCI dos hospitais galegos, sen pacentes covid, por primeira vez dende xullo de 2020, hai case tres anos. A incidencia da pandemia queda actualmente en 134 pacientes ingresados e 737 casos activos. // Hoxe é o Día da Atención Primaria, e colectivos agrupados en SOS Sanidade Pública convocaron mobilizacións fronte aos centros de saúde. // Ourense conta cunha nova galería de arte, a primeira no casco vello. É o proxecto persoal dunha parella de artistas que está a cumprir o soño de deixar a hostalería para dedicarse por enteiro a un espazo para a creación alternativo. 12-04-2023
Médicos en folga, dende hoxe, para reclamar mellores condicións de traballo. A maior parte da atención aos pacientes está cuberta polos servizos mínimos, que chegan ao cen por cen en urxencias e intervencións inaprazables.. // Empeza a campaña da renda na que a Axencia Trbiutaria prevé ingresar case 800 millóns en Galicia. O xestores advirten da importancia de revisar os datos xa que ata un tercio dos borradores conteñen erros. // No día mundial do parkinson, asociacións de pacientes reclaman máis visibilidade para unha doenza que duplica a sua incidencia nas últimas décadas e afecta xa a máis de 13.000 galegos. // O tempo solleiro dos últimos días alenta a floración das cerdeiras nos socalcos da Ribeira Sacra. Todo un espectáculo natural, ben efímero, que augura, din os expertos, unha boa colleita. 11-04-23
Médicos en folga, dende hoxe, para reclamar mellores condicións de traballo. A maior parte da atención aos pacientes está cuberta polos servizos mínimos, que chegan ao cen por cen en urxencias e intervencións inaprazables. // Sanxenxo prepara xa a visita do Rei Emérito a próxima semana. Sen axenda aínda confirmada, todo apunta a que o Monarca asistirá á unha regata de vela e se hospedará, coma fixera o ano pasado, na casa do seu amigo Pedro Campos. // O tempo solleiro dos últimos días alenta a floración das cerdeiras nos socalcos da Ribeira Sacra. Todo un espectáculo natural, ben efímero, que augura, din os expertos, unha boa colleita. 11-04-23
Xornada de transición con grandes claros ata o final do día cando as nubes baixas irán cubrindo de novo os ceos. Poden caer algúns chuvias febles no terzo norte ao sur de Fisterra. As temperaturas con poucos cambios, con máximas que volverán rondar os 20 graos. 11-04-23
Mellores condicións de traballo. É o que reclaman os médicos en folga indefinida, dende hoxe. A maior parte da atención aos pacientes está cuberta polos servizos mínimos. // Sanxenxo prepara xa a visita do Rei Emérito a próxima semana. O Monarca asistirá á unha regata de vela e se hospedará, coma fixera o ano pasado, na casa do seu amigo Pedro Campos. // A arte, acompaña ao ser humano dende o limiar dos tempos. Por iso é este ano o tema central da Semana Galega de Filosofía, que volta a Pontevedra despois da Pascua. 11-04-23
Pablo Picasso viviu na Coruña entre os nove e os trece anos, unha etapa clave no seu desenvolvemento persoal e artístico. Foron catro anos, antes de marchar a Barcelona.
Cúmprense 50 anos da morte de Pablo Picasso, malagueño de nacemento, pero que pasou boa parte da súa infancia na Coruña. Repasamos ese paso de Picasso pola cidade e a pegada que deixou na súa traxectoria artística. // Ferrol é unha das localidades onde aínda hoxe é festivo. Nos centros de ensino tampouco é lectivo, pero a maioría dos galegos retoman a rutina tras uns días nos que a ocupación turística superou as previsións máis optimistas. // Un dos retos da industria para incrementar a sua competitividade e a incorporación da intelexencia artificial. Para logralo nos vindeiros anos atópase con dificultades para as pequenas empresas e a falta de persoal cualificado. // Malleira histórica do Breogán ao campión de liga. 24 puntos de diferenza co Real Madrid nun partido espectacular, coa destacada actuación de Yustus Hollátz. 10-04-2023
Unha fronte moi pouco activa achégase pola franxa atlántica, e deixa chuvias febles, sobre todo na metade oeste, menos probables no interior. As temperturas máximas descenden, entre os 19 graos previstos en Pontevedra e os 24 de Ourense. 10-04-2023
O rei Xoán Carlos volverá a Sanxenxo a semana próxima. Chegará o día 19 e estará ata o día 23, para asistir á regata da copa de España na que participa o seu barco Bribón. // O Monte Chamorro en Ferrol acolle a primeira gran romaría da primavera con milleiros de fieis que soben a pé ata o santuario da Nosa Señora do Nordés. // Nos centros de ensinanza tampouco é lectivo, pero a maioría dos galegos volveron á rutina tralas vacacións de Semana Santa na que, a falta dos datos definitivos, todo apunta a que se superaron as altas cifras de ocupación previstas. 10-04-2023
A Semana Santa, vive a sua maior intensidade en localidades como Viveiro e Ferrol, con procesións declaradas de interese turístico internacional. // As listas de espera seguen a aumentar na sanidade galega, con 50.000 doentes máis que antes da pandemia, segundo datos do Ministerio de Sanidade. Galicia é a terceira comunidade coa menor espera media. // 25 quilos de heroína intervidos, que no mercado se convertirían en 65 quilos,e en milleiros de doses cun valor dun millon e medio de euros. É o resultado da Operación Matoxo, levada a cabo pola Policía Nacional de Pontevedra. Hai unha parella detida, dous veciños de Nigrán que xa están en prisión. // A rotura dunha balsa mineira no concello de Frades provoca unha vertedura que chega o rio Tambre. Augas de Galicia asegura que non está en risco o subministro aos 12 concellos que empregan o cauce para captar a auga da traída, entre eles Santiago. 05-04-23
Ceos despexados en xeral con algunhas nubes de tipo alto. O vento frouxo de compoñente norte, moderado no litoral, e as temperaturas suben lixeiramente no norte da comunidade, e baixan un pouco na metade sur. As máximas oscilan hoxe entre os 18 graos da Coruña e os 24 de Ourense. 05-04-23
A Semana Santa, vive a sua maior intensidade en localidades como Viveiro e Ferrol, con procesións declaradas de interese turístico internacional. // As listas de espera seguen a aumentar na sanidade galega, con 50.000 doentes máis que antes da pandemia, segundo datos do Ministerio de Sanidade. Galicia é a terceira comunidade coa menor espera media. // A rotura dunha balsa mineira no concello de Frades provoca unha vertedura que chega o rio Tambre. Augas de Galicia asegura que non está en risco o subministro aos 12 concellos que empregan o cauce para captar a auga da traída, entre eles Santiago. 05-04-23
Ambiente de praia nas Rías Baixas, onde os establecementos esperan niveis de ocupacións similares os do verán nos próximos días festivos. // Agárdanse arredor dun millón de desprazamentos nesta segunda fase da operación saída, 300.000 deles nas estradas da provincia da Coruña. // Preto de 46.000 persoas están en lista de espera para unha intervención cirúrxica nos hospitais galegos, cun tempo de medio de agarda de 75 días. Son datos publicados polo ministerio de Sanidade que sitúa a Galicia como a terceira comunidade con menor espera. // Axentes de policía de Alemaña e Portugal patrullarán esta Semana Santa, xunto ca Garda Civil, un tramo do camiño francés, dentro do programa Comisarías Europeas. 05-04-23
O paro rexistrado cae en máis de 2.200 persoas en Galicia no mes de marzo, grazas ao aumento de contratacións no sector servizos. As afiliacións á seguridade social aumentan en case 8.000. // A cooperación entre Galicia e o norte de Portugal, galardoada hoxe coa medalla do parlamento galego. Un xeito de celebrar o avance, nos últimos anos, da eurorrxión que congrega máis de seis millóns de habitantes. // Aumentan as protestas pola escaseza de cría de mexillón disponible esta temporada nas zonas autorizadas pola Xunta para a extracción. A Unión Profesional de Autónomos advirte que poderían perderse miles de empregos e pequenos negocios. // Grandes incendios, como o de Baleira, con 1.400 hectáreas queimadas, cada vez máis cedo no calendario. Un fenómeno ante o que os expertos advirten da combinación do cambio climático, xunto a malas practicas forestais,
04-04-23
xornada plenamente anticiclónica, con algunha nube alta, pero con predominio de ceos despexados. Os ventos frouxos de compoñente leste e subida das temperaturas, con mínimas de 6 graos e as máximas roldan e mesmo superan os 20. 04-04-23
