Ceos nubrados con precipitacións ocasionalmente acompañadas de tormentas e sarabia, máis frecuentes pola mañá na metade Oeste, estendéndose pola tarde a toda a comunidade. Vento do Sur, moderado con intervalos fortes no litoral atlántico, e frouxo con intervalos moderados no resto. Temperaturas sen cambios significativos ou en lixeiro ascenso. 03/05/12
Iberia Express inaugura as súas conexións con Galicia. // Os reitores das tres universidades galegas, contrarios á suba das taxas académicas. // Novena edición da semana internacional da Maxia de Lugo. // As chuvias dos últimos días están a recuperar o nivel dos encoros e os ríos galegos. // 30 anos do grupo Os Resentidos con disco e concerto. 02/05/12
Iberia Express, a filial de baixo custe da principal compañía aérea española, inaugura as súas conexións con Galicia. // Os reitores das tres universidades galegas, contrarios á suba das taxas académicas que vai autorizar o Goberno central. // A novena edición da semana internacional da Maxia de Lugo leva a ilusión e a sorpresa por toda a cidade. // As chuvias dos últimos días están a recuperar o nivel dos encoros e os ríos galegos, tras a seca que pasamos no outono, o inverno e parte da primavera. // Cúmprense 30 anos da creación do grupo Os Resentidos e celébrano cun disco e cun concerto único en Ourense. 02/05/12
Ceos nubrados con chuvias de intensidade moderada, aínda que localmente fortes e ocasionalmente acompañadas de tormentas e sarabia, que serán máis frecuentes na metade Oeste. Ventos do Sur, fortes no litoral atlántico e moderados no resto. As temperaturas subirán de forma lixeira nos valores mínimos, pero as máximas non experimentarán cambios. 02/05/12
O goberno vai continuar este mesmo venres facendo reformas para liberalizar servizos, como a xestión do transporte e as infraestruturas. // O ministro de Economía Luis de Guindos confirma que o goberno vai continuar coas reformas para crear emprego a medio prazo. Díxoo na presentación dun plan da Xunta para reducir custes na sanidade galega. // Vigo consolídase coma porto intermodal. A nova ampliación vai dotar ó peirao de Guixar con 720 novos metros de atraque e unha explanada de case 50.000 metros cadrados. // Comeza na Coruña o xuízo polo chamado "crime de Aranga" que senta no banco a sete persoas. // O Depor perde, pero segue líder. // Ruta pola construción naval de Ferrol. 30/04/12
O goberno vai continuar facendo reformas para liberalizar servizos. // Luis de Guindos confirma que o goberno vai continuar coas reformas para crear emprego a medio prazo. // Vigo consolídase coma porto intermodal. // Comeza na Coruña o xuízo polo "crime de Aranga". // O Depor perde, pero segue líder. // Ruta pola construción naval de Ferrol. 30/04/12
Ceos anubrados en xeral e chuvias, de intensidade localmente moderada, máis frecuentes na metade oeste. Ventos do suroeste, fortes no litoral norte e moderados no resto. Temperaturas mínimas sen cambios, pero as máximas descenderán entre lixeira e moderadamente. 30/04/12
Nos últimos tres meses unhas 25 mil persoas quedaron sen traballo en Galicia. Son datos da última enquisa de poboación. // Os estaleiros galegos e a xunta vanlle solicitar a Mariano Rajoy unha reunión, incluíndo aos ministros de Economía e ao de Industria, para abordar a situación do sector naval. // Galicia ten o dobre de sinistralidade laboral que o conxunto do Estado. Neste día da seguridade e saúde no traballo, os sindicatos reclaman que non se deixe de investir en prevención. // Malestar no ensino galego polas últimas medidas do goberno central. // Cinco mil quilómetros de media é o que viaxan os alimentos que consumimos antes de chegar á nosa mesa. // Festival do Norte en Vilagarcía. 27/04/12
Alternancia de nubes e claros en xeral e nubes de evolución diúrna, con chuvascos dispersos que poden ir acompañados de tormentas, especialmente pola tarde no interior. Vento frouxo de compoñente Sur pola mañá, virando a compoñente Oeste pola tarde. Temperaturas mínimas en lixeiro descenso con xeadas en zonas montañosas. Máximas en lixeiro ascenso. 27/04/12
Nos últimos tres meses, 25 mil persoas quedaron sen traballo en Galicia. // Os estaleiros galegos e a xunta vanlle solicitar a Mariano Rajoy para abordar a situación do sector. // Galicia ten o dobre de sinistralidade laboral que o conxunto do Estado. // Malestar no ensino galego polas últimas medidas do goberno central. // Cinco mil quilómetros de media é o que viaxan os alimentos que consumimos. // Festival do Norte en Vilagarcía. 27/04/12
Prosegue a busca do pescador afeccionado ao que levou o mar cando estaba nas rochas do Cemiterio dos Ingleses, en Camariñas. // O presidente da Xunta asegura que os institutos de Galicia van seguir impartindo os dous tipos de bacharelato, pese a que o goberno autoriza a ter só un. // Os accidentes laborais teñen un custo económico en Galicia de máis de mil millóns de euros anuais, segundo un estudo de Comisións Obreiras. // Só un postor, que quedou cun pequeno coche, acudiu á poxa dunha das empresas de Jorge Dorribo, Innova Farmacéutica, que está en proceso de liquidación. // O dez por cento das persoas de entre 40 e 80 anos padece a EPOC. 26/04/12
Prosegue a busca do pescador afeccionado que levou o mar en Camariñas. // Os institutos de Galicia van seguir impartindo os dous tipos de bacharelato. // Os accidentes laborais teñen un custo económico en Galicia de máis de mil millóns de euros anuais. // Só un postor acudiu á poxa dunha das empresas de Jorge Dorribo. // O dez por cento das persoas de entre 40 e 80 anos padece a EPOC. 26/04/12
Intervalos nubrados en xeral con precipitacións intermitentes, máis frecuentes e intensas na provincia de A Coruña. Vento do Sueste, moderado no litoral, con intervalos de forte no Norte, e frouxo a moderado no interior, debilitándose ao final. Temperaturas mínimas en descenso, principalmente no interior, e máximas sen cambios. 26/04/12
A borrasca "Petra" pasou por Galicia sen provocar danos de importancia. O máis perigoso está no mar. // A Xunta non vai aplicar en Galicia a norma estatal que lle permitiría aumentar o número de alumnos por aula. Anunciouno Alberto Núñez Feijóo hoxe no Parlamento. // Nas tres universidades galegas houbo hoxe protestas estudantís contra o acordo que permite subir as taxas ata un 60 por cento. // A plataforma en defensa da sanidade pública pídelle ao presidente da Xunta que non aplique en Galicia as medidas de copagamento acordadas polo Goberno central. // A investigación ó ex conselleiro de Industria Fernando Blanco sepárase da Operación Campeón. // Motos históricas no Museo de Pontevedra. (25/04/12)
Moito vento e moita chuvia, especialmente nas provincias da Coruña e Pontevedra. Segundo avance o día as chuvias terán un carácter máis intermitente. Vento do Sueste moderado a forte, con intervalos moi fortes durante a primeira metade do día en todo o litoral e en puntos altos do interior. Temperaturas mínimas en lixeiro ascenso e máximas sen cambios ou en lixeiro descenso. (25/04/12)
A borrasca "Petra" pasou por Galicia sen provocar danos de importancia. // A Xunta non vai aplicar en Galicia a norma estatal que lle permitiría aumentar o número de alumnos por aula. // Nas tres universidades galegas houbo hoxe protestas estudantís. // Piden á Xunta que non aplique en Galicia as medidas de copagamento do Goberno central. // A investigación ó ex conselleiro de Industria Fernando Blanco sepárase da Operación Campeón. // Motos históricas no Museo de Pontevedra. (25/04/12)
Xa se pode circular por un dos sentidos da A-6 nas Nogais, na montaña de Lugo e nos próximos minutos quedara libre o outro carril. A causa dun accidente cun camión cargado de gas natural o tráfico estivo cortado durante máis de 26 horas. // O Parlamento galego acepta a primeira lei de montes que ten Galicia en trinta anos. Fomenta a agrupación de parcelas e obrigará a reinvestir no monte parte dos beneficios. // Galicia e o Norte de Portugal preparan propostas comúns para tentar conseguir fondos da Unión Europea. // Denuncian na Fiscalía de Medio Ambiente as fumigacións aéreas contra as pragas do eucalipto. // Javier Gómez Noya: Próximo obxectivo, Londres. // En Galicia morren en accidentes laborais o dobre de persoas que a media do estado. 24/04/12
Ceos nubrados en xeral, con precipitacións débiles e dispersas durante o día que se intensificarán durante a noite. Vento moderado de compoñente Oeste durante o día, con intervalos de forte nas primeiras horas no litoral de Lugo. Segundo avance a noite intensificaranse, sendo moderados a fortes en xeral, con intervalos moi fortes nas zonas montañosas e no litoral. Temperaturas mínimas en lixeiro descenso, localmente moderado no interior; mentres que as máximas seguirán sen cambios significativos. 24/04/12
Xa se pode circular por un dos sentidos da A-6 nas Nogais. O tráfico estivo cortado durante máis de 26 horas. // O Parlamento galego acepta a primeira lei de montes que ten Galicia en trinta anos. // Galicia e o Norte de Portugal preparan propostas comúns para tentar conseguir fondos da Unión Europea. // Denuncian as fumigacións contra as pragas do eucalipto. // Gómez Noya: Próximo obxectivo, Londres. // En Galicia morren en accidentes laborais o dobre de persoas que a media do estado. 24/04/12
Os libros saen á rúa para celebrar o seu día. Hoxe as librerías fan descontos mentres se multiplican as actividades en bibliotecas, centros de ensino e nas rúas para fomentar o hábito da lectura. // A Xunta presenta unha edición facsímil da obra "Galicia como tarefa", de Valentín Paz Andrade. // O conselleiro de Presidencia defende a creación da área metropolitana de Vigo, e critica ao alcalde Abel Caballero por pórlle obstáculos. // A central nacionalista CIG anuncia a convocatoria dunha nova folga xeral contra a reforma laboral, en xuño. // O Deportivo, a un paso de Primeira tras vencer ao Elche. O Celta en cambio suma unha nova derrota, pero confía aínda no ascenso directo. // A chuvia acaba de encher o lago artificial de Endesa nas Pontes. 23/04/12
